Reja: Ta’lim sohasida psixolog faoliyatining huquqiy asoslari

Amaliy psixologning xuquq va burchlari.
Amaliy psixologning faoliyati uning xuquqlari va burchlari majmuasi bilan 
boshqarilib turishi lozim. Ular quyidagilar:
Psixolog oliy o‘quv yurtining psixologiya sohasini (qisqa kurslarni) 
bitirganligini tasdiklovchi maxsus xujjatga ega bo‘lishi lozim.
Psixologiyaning eng so‘nggi yutuqlaridan xabardor bo‘lishi, bolalar 
psixologiyasi, pedagogik psixologiya,amaliy psixologiyani chuqur bilish zarur.
Muammolar muhokamasida va ular yuzasidan qaror qabul qilishda vaqolat 
chegarisidan aslo chetga chikmaslik ma’qul.
Barcha psixologik masalalarni xal qilishda o‘quvchi va talaba manfaati, 
ijtimoiy tarbiya maqsadidan kelib chiqish zarur.
Diagnostik va korreksion faolit natijalarini sir saqlash, olingan ma’lumotlar 
sinaluvchilar shaxsiyatiga zarar keltirmasligi, ularni qurshab turgan muhit a’zolari 
taxlikaga tushmasligi kerak.
Ma’muriyat, ota-onalar, o‘qituvchilar jamoasi bilan hamkorlikda faoliyat 
ko‘rsatishi lozim.
Ma’muriyat, pedagogik va ilmiy kengashga o‘quvchi va talabalarga yakka 
tartibda yondashishni ta’minlovchi imkoniyat, ularni hal qilishning psixologik 
shartlari, ta’lim-tarbiyadagi nuqsonlarning olidini olish omillari, yo‘llari yuzasidan 
yordam ko‘rsatish zarur.
O‘z faoliyatining natijalari yuzasidan yuqori tashkilotlarga axborot berish 
borishi kerak.
O‘zbekiston Respublikasining mafkurasiga, Konstitutsiyasiga, ijtimoiy, 
etnopsixologik, ahloq-odob qoidalariga zid bo‘lgan tekshirishlar o‘tkazmasligi 
kerak.
Mavzu yuzasidan qisqacha xulosa
Xalq ta’limi tizimida psixologik xizmat maqsadi-shaxsning har tomonlama 
mukammal psixologik taraqqiyotini ta’minlovchi okilona, zarur shart-sharoitlar, 
omillar, qulay vaziyat va muhit yaratishdan iborat. Uning mazmuni 
psixoprofilaktik, psixologik maorif va ma’rifat, psixodiagnostik, psixokorreksion, 
psixologik konsultatsiyalardan tashkil topadi. Ushbu vazifalar guruh yoki jamoa 
shaklida, o‘quv maskanigacha yoshdagi bolalar, umumiy o‘rta ta’lim o‘quvchilar, 
maxsus o‘quv yurti va oliy o‘quv maskani talabalari, o‘qituvchilar, ota-onalar bilan 

---

amalga oshiriladi. Xalq ta’limi tizimidagi, o‘quv maskanidagi psixologlarning 
psixologik xizmati muayyan qoida va mezonlarga asoslanib, o‘qituvchilar 
jamoasiga o‘quvchi talabalar tarbiyasidagi o‘zgarishlarni boshqarishga, korreksion 
ishlarni amalga oshirishga ko‘rsatmalar berish hamda o‘qituvchilar, ota-onalar va 
o‘quvchilarning psixologik savodxonligini ko‘tarish, psixologik metodlardan 
samarali foydalanib har bir o‘quvchi qobiliyatlarini tekshirishda ifodalanadi.