Reja: Sahnalashtirish faoliyati jarayonida bolalarda ijodkorlikni rivojlanishi mazmuni

REJA:

1.Sahnalashtirish faoliyati jarayonida bolalarda ijodkorlikni rivojlanishi mazmuni.

2.Sahnalashtirish faoliyati jarayonida bolalarda ijodkorlikni rivojlanishi metodlari

3.Sahnalashtirish faoliyati jarayonida bolalarda ijodkorlikni rivojlanishi usullari.

Mavzu:Sahnalashtirish faoliyati jarayonida bolalarda ijodkorlikni rivojlanishi metodlari.
Teatr bolalarga xursandchilik va quvonch baxsh etish bilan birga katta tarbiyaviy ahamiyatga ham egadir. Maktabgacha ta’lim tashkilotlarida katta spektakllarni qo‘yish mumkin emas. Kichik sahnali, kichik ertak asosida o‘zlarining o‘yinchoqlari yordamida qo‘yish mumkin. Bu kichik ko‘rinishlarning har biri ham bolalarda katta taassurot uyg‘otadi va bayram ertaklariga ko‘tarinki rux baxsh etadi. Har qanday badiiy asar qo‘g‘irchoq teatri orqali ko‘rsatilsa, bolalar uchun yanada tushunarli bo‘ladi.

Qo‘g‘irchoqlar turlari

Qo‘g‘irchoqlar turlari

1. Qo‘lqopli qo‘g‘irchoq turi.

2. Trossli qo‘g‘irchoq turi (simli).

3. Iplar yordamida (marionetka) boshqaradigan qo‘g‘irchoq turi.

4. Ochiq usulda boshqariladigan (planshetli) qo‘g‘irchoq turi.

5. Soyasi tushirilib o‘ynatiladigan qo‘g‘irchoq turi.

6. Niqob (maska) bilan ishlanadigan qo‘g‘irchoq.

Qo‘g‘irchoqlarni boshqarishda qo‘l harakati.

Qo‘g‘irchoq teatri aktyori uchun eng zarur bo‘lgan yo‘nalish bu uning qo‘l harakatchanligidir. Haqiqatdan ham inson xatti-harakatining eng faol ijrochisi bo‘lgan qo‘l qo‘g‘irchoq teatrida o‘zining mo‘jizakorligi, sehrgarlik kuchini yanada yaqqol namoyon qiladi. Dramaturg asaridagi qiyofalar musavvir va qo‘g‘irchoq ustasining ijodiy ko‘magida dunyoga kelgan qahramonlar qo‘g‘irchoq teatri aktyori qo‘li bilan jonlanib, mantiqli, maqsadli xatti-harakatga moyil qilinadi

Sahnada bajarilayotgan harakat uch xil holatda bo‘ladi:

1.Jismoniy harakat bajariladigan ishning tashqi holati (kiyinish, gul taqdim qilish, o‘sma qo‘yish va boshqalar). Bu harakat asosan psixik harakatni amalga oshirish uchun moslama sifatida xizmat qiladi.