Reja: Raqs. Erkin raqslar

2. 
   Mavzu: Raqs tushunchasining ijtimoiy o`rni, uning estetik va ma`naviy omillari.
   

Reja:

1. 
   Raqs.
   
2. 
   Erkin raqslar.
   
3. 
   3. Raqs xarakteridagi xorovodlar va o‘yinlar.
   
4. 
   Shartli ravishda ijro etiladigan bolalar bal raqslari.
   
5. 
   Xarakterli (obrazli) raqs.
   

1. Raqs. Bolalar o`yinlarining bu turlari xalq raqslari va klassik bal raqslari elementlari asosida tuziladi. Ularni mazmuniga ko`ra quyidagi guruhlarga bo`lish mumkin: Musiqa asarining tuzilishiga binoan, harakat elementlari mujassamlangan raqs. Masalan, ikki qismli musiqaga mos ikki qismli raqslar, uch qismli musiqaga esa uch qismli raqslar qo`yish kerak bo`ladi. Misol uchun, o‘zbek xalq raqsi «Andijon polkasi»ni olaylik. Tarbiyachi mazkur musiqa asosida yuqori va tayyorlov
guruh bolalariga mos chaqqon harakatli raqs shaklini tanlashi mumkin. Tarbiyachi guruh imkoniyatlarini hisobga olib, «Andijon polkasini» ni bir oz qisqartirib, katta avjini istisno etgan holda, ikki qismli, to‘la shaklda chalib, uch qismli qilib ham o‘rgatishi mumkin. Demak raqsni musiqaning mantiqiy qismlariga ko‘ra harakat
elementlarini tanlab qo`yishiga to‘g‘ri keladi. Bu raqsni yakka va kichik gruppa shaklida qo‘yish mumkin.
2. Erkin raqslar. Bu raqslar ijodiy xarakterga ega bo‘lib, xalq raqs kuylari, bastakor yaratgan raqs kuyi va polkalar ostida ijro etiladi. Unda bolalar mashg‘ulotlardan
olingan malaka va ko‘nikmalarini ishga solib, musiqaning xarakteriga mos harakat elementlarini tanlab «yangi raqs» yaratadilar.
3. Raqs xarakteridagi xorovodlar va o‘yinlar.
Xorovod ko‘proq rus raqs san’atiga mansubdir. Ulardan foydalanish yaxshi natija beradi. Xorovodlarda asosan ashula aytib, davra qurgan holda o‘yinga tushiladi.
Bo‘g‘chaning yuqori va tayyorlov guruhlarida rus xorovod asarlaridan «Karavay» o‘yinini o‘rganish mumkin. Xorovod xarakteriga xos o‘zbek o‘yinlari ham mavjud.
Masalan, «Choriy chambar», «Oq terakmi, ko‘k terak» va boshqalar. Tarbiyachi bog‘chada milliy o‘yinlar bilan birga boshqa xalqlar xorovodlari va o‘yinlaridan foydalanish lozim. Bu o‘yin turlari ko‘proq o‘yin-kulgi, bayramlar paytida o‘ynaladi.