Reja: Lokal tarmoq turlari va texnologiyalari

Ulanish nuqtasi (Access Point) – simli tarmoqqa simsiz ulanish uchun mo‘ljallangan tarmoq uskunasi bo‘lib, simsiz tarmoq adapteri va kabelli tarmoq o‘rtasida simsiz aloqa o‘rnatish uchun mo‘ljallangan. Bu uskuna odatda ko‘prik, kommutator yoki marshrutizator tarkibida bo‘ladi. Kabelli tarmoq bilan ulanish uchun ulanish nuqtasi quyidagi interfeyslardan bir yoki bir nechtasidan foydalanishi mumkin:
1. ulanuvchi qurilma interfeysi (Attachment unit interface – AUI)
2. 10Base2
3. 10BaseT
4. 100BaseTX, 100BaseT, 100BaseT2, va 100BaseT4
5. 1000Base texnologiyasi
6. 40 GB Ethernet texnologiyasi
7. 100 GB Ethernet texnologiyasi
8. FDDI
9. Kabelli modem porti
10. DSL teekommunikatsiya porti
Antenna – bu radioto‘lqinlarni tarqatuvchi va qabul qiluvchi uskuna. Simsiz tarmoq adapteri ham, ulanish nuqtasi ham antennadan foydalanadi. Simsiz tarmoq antennalari yo‘naltirilgan yoki barcha yo‘nalishli bo‘ladi.
Yo‘naltirilgan antenna. Yo‘naltirilgan antenna radio to‘lqinlarni asosiy bitta yo‘nalishda yuboradi va odatda o‘z yo‘nalishidagi signalni barcha yo‘nalishlarga qaraganda bir qancha kuchaytirib beradi. Simsiz tarmoqlarda yo‘naltirilgan antennalar odatda ikki binodagi ulanish nuqtalarining antennalari o‘rtasida radioto‘lqin uzatish uchun foydalaniladi. Bunday holda barcha yo‘nalishli antennaga qaraganda yo‘naltirilgan antenna uzoqroq masofaga uzatishi mumkin, chunki asosiy yo‘nalishda signal kuchliroq bo‘ladi.
Barcha yo‘nalishli antenna. Bunday antenna radioto‘lqinlarni barcha yo‘nalishda tarqatadi. Signal barcha yo‘nalishga bir xilda tarqalgani sababli bunday signal yo‘naltirilgan antenna tarqatadigan signaldan kuchsizroq bo‘ladi. Simsiz tarmoqlarda barcha yo‘nalishli antennalar foydalanuvchilar erkin holatda bo‘ladigan, shuning uchun keng tarqatilishi talab qilinadigan ichki tarmoqlarda ko‘proq ishlatiladi. Shuningdek, ichki tarmoqda signalni kuchaytirish juda kuchli bo‘lishi shart emas, chunki uskunalar orasidagi masofa uncha uzoq bo‘lmaydi.