Режа Компьютер турлари. Замонавий компьютерларнинг архитектураси ва структураси, киритиш ва чиқариш қурилмалари

ЭЛЕКТРОН ЁЗУВ ДАФТАРЧАЛАРИ (organizer — органайзерлар) ихчам компьютерларнинг «энг енгил синфи»га киради (бу синфга улардан ташқари калькуляторлар, электрон таржимонлар ва бошқалар киради); уларнинг оғирлиги 200 граммдан ошмайди. Органайзерлар фойдаланувчи томонидан дастурлаштирилмайди, бироқ сиғимли хотирага эга. Унга зарур ахборотни ёзиш ва унинг ёрдамида махсус матнни таҳрир қилиш, иш хатлари, битим, шартномалар матнлари, кун тартиби ва иш учрашувларига тегишли матнлар сақланиши мумкин.

2. 
   АХБОРОТЛАРГА ИШЛОВ БЕРИШ ҚУРИЛМАЛАРИ ВА УЛАРНИНГ ТАСНИФИ.
   

Компьютерлар асосий қурилмалардан ташқари бир қатор атроф қурилмаларига ҳам эга. Уларнинг баъзилари билан танишиб чиқамиз.
ПРИНТЕРЛАР. Принтер — маълумотларни қоғозга чиқарувчи қурилма. Барча принтерлар матнли маълумотни, кўпчилиги эса расм ва графикларни ҳам қоғозга чиқаради. Рангли тасвирларни чиқарувчи махсус принтерлар ҳам бор. Принтерларнинг қуйидаги турлари мавжуд: МАТРИЦАЛИ, ПУРКОВЧИ ВА ЛАЗЕРЛИ.
МАТРИЦАЛИ ПРИНТЕРЛАР яқин вақтларгача кенг тарқалган принтерлардан бири эди. Бу принтернинг ёзиш каллагида вертикал тартибда игналар жойлашган. Каллак ёзув сатри бўйлаб ҳаракатланади ва игналар керакли дақиқада бўялган лента орқали коғозга урилади. Натижада коғозда белги ёки тасвир пайдо бўлади. Игналар сонига қараб бу принтерлар бир неча турларга бўлинади: 9 игнали, 24 игнали, 48 игнали.
² 9 игнали принтерда ёзув сифати пастроқ. Сифатни ошириш учун ёзишни 2 ёки 4 юришда бажариш керак.
² 24 игнали принтер сифатли ва тезроқ ишлайди.
² 48 игналиси ёзувни жуда сифатли чиқаради.
Матрицали принтерлар тезлиги бир бет учун 10 секунддан 60 секундгача.
ПУРКОВЧИ ПРИНТЕРДА тасвир қоғозга махсус қурилма орқали пуркаладиган сиёҳ томчиларидан юзага келади.
Пурковчи рангли принтер сифати лазерли принтерга яқин, нарҳи арзон ва шовқинсиз ишлайди. Шунинг учун ҳозирги кунда кўпчилик ундан фойдаланяпти. Тезлиги бир бет учун 15 дан 100 секундгача.