Режа Компьютер турлари. Замонавий компьютерларнинг архитектураси ва структураси, киритиш ва чиқариш қурилмалари

Системали блокда марказий процессор, оператив (тезкор) хотира, қаттиқ диск, контроллерлар, дискеталар ва лазерли компакт дисклар билан ишлаш учун қурилмалар ва бошқалар жойлашади.
Мониторлар. Компьютер монитори (дисплей) экранга матнли ва график ахборотни чиқаришга мўлжалланган. Мониторлар монохром ёки рангли бўлиб, матнли ҳамда график ҳолатларда ишлаши мумкин.
Клавиатура. IBM PC клавиатураси фойдаланувчи томонидан маълумотларни ва бошқарув буйруқларини компьютерга киритишга мўлжалланган қурилмадир. Клавиатуранинг умумий кўриниши ундаги тугмачалар сони ва жойлашишига қараб турли хил компьютерларда фарқ қилиши мумкин, лекин уларнинг вазифаси ўзгармайди.
Сичқонча. Сичқонча компьютерга ахборотни киритиш қурилмаси ҳисобланади. У клавиатуранинг ўрнини тўлалигича алмаштира олмайди. Бу қурилма асосан икки ёки учта бошқарув тугмачасига эга.
Сичқончани уланишининг уч усулини кўрсатиш мумкин. Энг кўп тарқалган усул кетма-кет порт орқали уланишдир. Шинали интерфейсли сичқончалар камроқ тарқалган. Уларни улаш учун махсус интерфейс ёки «сичқонча» порти керак бўлади. Учинчи кўринишдаги уланиш PS/2 стилидаги сичқончаларда амалга оширилган. Ҳозирги кунда улар портатив компьютерларда ишлатилмоқда.
Шахсий компьютерлар таснифи.
ШАХСИЙ КОМПЬЮТЕРЛАР (ШК) — хаммабоплик ва қўллашда универсаллик талабларини қониқтирувчи, бир киши фойдаланадиган микро ЭҲМлардир.
Шахсий компьютерлар ҳаммабоплик ва универсаллик талабларини қониқтириш учун қуйидаги ҳусусиятларга эга бўлиши лозим:

• 
  индивидуал харидор учун мос келадиган нархларда;
  

атроф-мухит шароитларига махсус талабларсиз фойдаланиш автономлиги;

• 
  тузилишининг бошқариш, фан, таълим, турмуш соҳаларида турли кўринишда қўлланишларга мослашувчанлиги;
  
• 
  фойдаланувчининг махсус, касбий тайёргарликсиз ишлаш имкониятини берувчи операцион тизимлар ва бошқа «дўстона» дастурий таъминотлар;
  

ишлашнинг юқори даражада ишончлилиги (бузилмасдан 5000 соатдан ортиқ ишлаши).
Маълумотларни қайта ишлаш билан боғлиқ бирор масалани янги ахборот технологияси доирасида самарали бажариш учун қўлланиладиган компьютернинг имкониятларини билиш лозим. Ушбу имконият хақидаги билимлар компьютернинг конфигурацияси тушунчасини ташкил этади.
ШКларни конструктив (тузилмавий) хусусиятларига кўра қуйидагича таснифлаш мумкин.