Режа Компьютер турлари. Замонавий компьютерларнинг архитектураси ва структураси, киритиш ва чиқариш қурилмалари

КЎЧМА КОМПЬЮТЕРЛАР шахсий компьютерларнинг тез ривожланаётган кенжа синфидир. Мўтахассислар фикрича, 1998 йилда фойдаланувчиларнинг 50% дан кўпроғи айнан кўчма компьютерлардан фойдаланган бўлса, 2000 йилга келиб бу кўрсаткич 81% дан ошди.
Кўчма компьютерларнинг кўпчилиги аккумуляторлардан алоҳида (автоном) таъминланади. Улар тармоққа уланиши ҳам мумкин. Видеомонитор сифатида уларда ясси видеопроекторли суюқ кристалли дисплейлар қўлланилади.
СУЮҚ КРИСТАЛЛИ ДИСПЛЕЙЛАР (LCD - Liguid Crystal Display) фаол (актив) ва суст (пассив) матрицали бўлади. Суст матрицада экраннинг хар бир элементи (пиксел) координатали бошқарувчи шаффоф симлар кесишган жойга етиб келади.
Фаол (актив) матрицали дисплей анча мураккаб ва қиммат, бирок яхши сифат барқарор, контраст ва тиниқ тасвир берилишини таъминлайди.
Кўчма компьютерлар турли-туман: улкан ва оғир (15 кг гача), портатив ишчи станцияларидан то 100 грамм келадиган электрон ёзув дафтарчасигача бўлган кўчма компьютерлар мавжуд.
ПОРТАТИВ ИШЧИ СТАНЦИЯЛАР энг қудратли ва йирик кўчма ШКлардир. Улар кўпинча чемодан шаклида тайёрланади ва оғзаки тилда «Кўчманчи» деб аталади. Уларнинг конфигурацияси кўчмас ШКлар ишчи станциялари конфигурациясига ўхшаш бўлиб, 800 МГц дан юқори бўлган частотали, кучли микропроцессорга, 128 Мбайтдан юқори сиғимдаги тезкор хотирали, 10 гигабайт дискли жамлагувчиларга эга, 8 Мбайтдан юқори видеохотирали интерфейс ва қудратли видеоадаптерлари бўлган компьютердир.
Моҳиятига кўра улар тармоқдан таъминланувчи оддий ишчи станцияларидир, бироқ ташқи қобиғи(корпуси) кўтариб юриш учун қулай қилиб тайёрланган ва ясси суюқ кристалли видеомониторга эга. Улар одатда модем ва СД—ROMларга, локал ҳамда Internet тармоқларига уланиши мумкин.
«Lap Top» туридаги портатив компьютерлар «дипломат» хажмидаги кичик чемоданчалар кўринишида тайёрланади. Уларнинг оғирлиги одатда 5—10 кг атрофида бўлади. Аппарат ва дастурий таъминот уларнинг энг яхши кўчмас ШКлар билан муваффақиятли рақобатлашишига имкон беради.