Режа: кириш ўзбекистонда минтақаларни ижтимоий-иқтисодий ривожлантириш сиёсати ва стратегияси

Мавзу: Иқтисодий салоҳият ва Ўзбекистоннинг минтақавий ривожланиши
Режа:
КИРИШ

1. 
   Ўзбекистонда минтақаларни ижтимоий-иқтисодий ривожлантириш сиёсати ва стратегияси.
   
2. 
   Ижтимоий соҳа ривожланиши кўрсаткичларини моделлаштириш ва прогнозлаш
   
3. 
   Аҳоли истеъмоли ва даромадларини прогнозлаш.
   

ХУЛОСА
АДАБИЁТЛАР
КИРИШ
ХХ асрнинг иккинчи ярмида мамлакатлар ва минтақаларни ягона савдо ва иқтисодий тизимга, яъни ‘’халқаро меҳнат тизими’’га, бирлашишга интилиши кескин кучайди. Бунда жаҳон савдоси, халқаро молия ва капитал бозорларинииг аҳамияти беқиёс бўлди.
Маълумки, Ер шаридаги ҳудудлар бир-биридан табиий шароитларининг хилма-хиллиги билан фарқ қилади. Шунга боғлиқ ҳолда бир ҳудудларда товарлар ишлаб чиқариш фойдали бўлса, бошқа ҳудудларда худди шу товарларни ишлаб чиқариш иқтисодий зарар келтириши мумкин. Савдо қилаётган томонларнинг барчаси фойда кўриш, даромад олиш учун шу иш билан шуғулланади. Ана шундай шароитда савдо билан шуғулланиш фойда келтиради, чунки улар ўзларига керак бўлмаган ёки ортиқча бўлган буюмларни бошқа улар ўзлари муҳтож бўлган буюмларга алмаштиришга имкон беради. Мана шундай ҳолат халқаро меҳнат тақсимотини вужудга келиши ва уни фойда келтира олиши учун асос бўлиб хизмат қилади.
Табиий ва меҳнат ресурслари билан таъминланганлигига, технологияларга эгалигига қараб бир хил мамлакатлар айрим маҳсулотлар турларини ишлаб чиқаришга ихтисослашади ва қолган турдаги ўзига керак бўлган маҳсулотларни бошқа мамлакатлардан олади.
Жумладан, КДР ва ЖАР хар-хил турдаги фойдали қазилмаларнинг катта заҳираларига эга. Бошқа мамлакатлар, чунончи Гондурас ва Гватемала ўзининг географик ўрнига биноан цитрус меваларни етиштириш учун қулай шароитларга эга. Учинчи ҳил мамлакатлар-Швейцария ва Японияда катта салоҳитга эга техника жамланган, замонавий технология барпо қилинган ва малакали меҳнат ресурслари мавжудлиги сабабли, фанталаб маҳсулотлар ишлаб чиқарилмоқда. Юқорида келтирилган ҳар бир ҳодисада қайд этилган алоҳида шароитлар давлатга у ёки бу товар ёки хизмат ишлаб чиқаришда қўшимча имкониятлар ва қулайликлар яратади.