Режа: Кириш. Тижорат банкларида истеъмол кредитининг меъёрий-хуқуқий асослари

Режа:
Кириш.
1.Тижорат банкларида истеъмол кредитининг меъёрий-хуқуқий асослари.
2.Тижорат банкларида истеъмол кредити тақдим этиш тартиби.
3.Тижорат банкларида исте'мол кредит операциялари ҳисобини юритиш.
Хулоса
Фойдаланилган адабиётлар рўйҳати


КИРИШ
Мамлакатимизда аҳолини ижтимоий қўллаб-қувватлаш ҳамда аҳоли турмуш фаровонлигини изчил ошириб бориш хукуматимизнинг доимий диққат марказида бўлиб келмоқда. Бу борада тижорат банклари томонидан ажратилаётган истеъмол кредитларининг ўрни катта аҳамият касб этмоқда.
Шу билан бирга, истеъмол кредити ҳажмлари ўсган бўлишига қарамай, вилоятларда ажратилган кредит ресурсларидан тўлиқ фойдаланилмаяпти, товар кредити билан шуғулланувчи кичик бизнес ва тадбиркорлик субъектлари мавжуд эмас, қишлокда савдо ва хизмат кўриниш инфратўзилмаси етарли ривожланмаганлиги, реклама ҳамда тушунтириш ишлари мукаммал эмаслиги туфайли истеъмол кредити турлари аксарият холларда фақат маиший товарлар сотиб олиш учун бериладиган кредитлар билан чекланиб қолмоқда.
Ўзбекистон Республикаси Президентининг 2017 йил 7 февралдаги “Ўзбекистон Республикасини янада ривожлантириш бўйича Ҳаракатлар стратегияси тўғрисида”ги ПФ-4947-сонли Фармони билан тасдиқланган “2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси”да банк тизимини ислоҳ қилишни чуқурлаштириш ва барқарорлигини таъминлаш, банкларнинг капиталлашув даражаси ва депозит базасини ошириш, уларнинг молиявий барқарорлиги ва ишончлилигини мустаҳкамлаш, кредит портфели миқдорини доимий ошириб бориш ва унинг сифатини яхшилаш, истиқболли инвестиция лойиҳалари ҳамда кичик бизнес ва хусусий тадбиркорлик субъектларини кредитлашни янада кенгайтириш масалаларига алоҳида урғу берилган¹.
Самарали истеъмол кредити берилиши тизимининг ривожланиши инвестицион соҳада янгиланишлар, жамиятда ижтимоий стабил кўтарилишига, бўтун ижтимоий - иқтисодий инқироздан чиқиб олишга имкон берувчи тизими ҳисобланади. Бугунги кунда Ўзбекистонда истеъмол кредити тизимининг ривожланиши босқичида турибди. Шунинг учун ҳам чет давлатлардаги истеъмол кредити тизимининг ривожланишини ўрганиб чиқиб, улар тажрибасидан келиб чиқиб, ўзимизнинг давлатимизда истеъмол кредит берилиш тизимини ривожлантришни қўллашимиз мумкин. Бунда истеъмол кредити тизимининг ривожланишида хеч қандай хатоларга йўл қўймасдан ва муаммоларга дуч келмасдан, уни тезлаштириш мумкин.
Замонавий иктисодиётда банк тизими жуда мухим ўрин эгаллайди. Иктисодиётни барқарорлаштириш ва ривожлантириш учун самарали иқтисодий сиёсат юргизиш билан бир вақтда, молиявий соҳада инститўтионал ислоҳотлар ўтказилиши лозимлиги айни хакикатдир. Бозор иктисодиёти шароитида банк кредитларидан макбул тарзда фойдаланиш имкониятини яратувчи барқарор молиявий тизим сифатида мухим аҳамият касб этади. Бундай молиявий тизимга эга мамлакатлар иқтисодий хатарларга бардошли бўлиб, иқтисодий тараққиётга осон ва тезроқ эришадилар.