Режа: Кириш. Тижорат банкларида истеъмол кредитининг меъёрий-хуқуқий асослари

2.Тижорат банкларида истеъмол кредити тақдим этиш тартиби
Истеъмол кредити аҳолининг харид қобилиятини, демак, бозорда талабни оширади ва пировард натижада товар ишлаб чиқараётган ва хизмат кўрсаётган корхоналарнинг молиявий барқарорлигига ижобий таъсир кўрсатади. Айнан шу сабабли Ўзбекистоннинг Инқирозга қарши чоралар дастурида истеъмол кредитининг аҳоли ўртасида кенг оммалашувига алоҳида эътибор қаратилган.
Истеъмол кредити икки турдаги, яъни молиявий ҳамда товар истеъмол кредитларидан иборат. Истеъмолчига сотиб олинган товар(хизмат) ҳақини тўлаш учун бериладиган пул маблағлари молиявий истеъмол кредити дейилади. Банклар ёки бошқа кредит ташкилотлари молиявий кредит берувчи ташкилот ҳисобланади. Истеъмолчига сотиб олинган товар, бажарилган иш ёки кўрсатилган хизмат ҳақини бўлиб-бўлиб тўлаш тарзида бериладиган кредит товар истеъмол кредити ҳисобланади. Истеъмол товарларини (ишларни, хизматларни) ишлаб чиқувчи корхона ёки реализация қилиувчи ташкилотлар товар истеъмол кредити берувчи ташкилотлар ҳисобланади. 
Истеъмол кредити шарбат сиққичдан тортиб то кўчмас мулк ёки автомобил сотиб олишгача бўлган турли эҳтиёжларни қондириш учун ишлатилиши мумкин. Мамлакатимизда жорий этилган таълим учун имтиёзли ҳамда ёш оилаларга бериладиган кредитлар аҳамиятини алоҳида таъкидлаш жоиз. Бунда имтиёз ставкаларидан ташқари солиқ имтиёзлари ҳам назарда тутилган. Қонунчилик асосида ўрнатилган тартибга мувофиқ, ёш оила аъзолари бўлган жисмоний шахсларнинг солиққа тортиладиган даромадларига шахсий уй қуриш, реконструкция қилиш ва кўпхонали турар жойдан хона сотиб олиш учун олинган, ипотека кредити ва унинг фоизларини қайтаришга йўналтириладиган солиққа тортилувчи иш ҳақи кўринишидаги ва бошқа даромадлари, шунингдек, уй сотиб олиш учун хўжалик субъекти, яъни иш берувчидан олган маблағлари суммалари киритилмайди. 
Жисмоний шахслар учун истеъмол кредитининг қисқа ва узоқ муддатли кредитлаш операцияларининг ҳисобини юритиш учун тижорат банкларининг ҳисобварақлар режасида қуйидагилардан фойдаланилади: