Reja: Kirish Moliya tizimi va uning sohalari Moliya tizimida davlat moliyasining tutgan o`rni Davlat krediti va davlat qarzlari Xulosa Foydalanilgan adabiyotlar kirish

3.5-rasm. Davlat qimmatli qog‘ozlarining so‘ndirish muddati bo‘yicha tarkibi¹⁷

2020 yil davomida muomala davri 1 yilgacha bo‘lgan 700,0 mlrd. so‘m qiymatidagi DQQlar, muomala davri 1 yillik bo‘lgan 1 420,0 mlrd. so‘m qiymatidagi DQQlar va muomala davri 1,5 yil bo‘lgan 200,0 mlrd. so‘m qiymatidagi DQQlar so‘ndirildi. 2020 yil yakuni bo‘yicha qarzdorlik 3 954,0 mlrd so‘mni tashkil qildi.

Davlat qimmatli qog‘ozlarining muomalaga chiqarilishi moliya bozoridagi ichki talab va respublika byudjeti ehtiyojidan kelib chiqib amalga oshirilmoqda.

Shu bilan birga, Moliya vazirligi Xalqaro valyuta jamg‘armasi, Jahon banki va AQSH G‘aznachiligi bilan hamkorlikda davlat qarz portfelini diversifikatsiyalash hamda valyuta xatarlarini kamaytirish maqsadida ichki moliyalashtirish manbalardan keng foydalanish, davlat qimmatli qog‘ozlar bozorini faollashtirish uchun mahalliy va xorijiy investorlarni jalb etish, davlat byudjeti taqchilligini, avvalo, davlat qimmatli qog‘ozlarini ichki moliya bozorlarida joylashtirish orqali moliyalashtirish sohasida ishlar olib borilmoqda

Davlat tashqi qarzi

O‘zbekiston Respublikasi davlat tashqi qarzining hajmi 2021 yilning 1 yanvar holatiga 21,1 mlrd. dollar yoki YAIMga nisbatan 36,5 foizni tashkil etdi:

O‘zbekiston Respublikasi nomidan jalb qilingan tashqi qarz – 15,1 mlrd.dollar ekvivalenti yoki jami davlat tashqi qarzining 71,4 foizi;

O‘zbekiston Respublikasining kafolati ostida jalb qilingan tashqi qarz – 6,0 mlrd. dollar ekvivalenti yoki davlat tashqi qarzining 28,6 foizi.

Xalqimizning farovon hayotini va barqaror iqtisodiy o‘sishni ta’minlash uchun, avvalo, infratuzilmani rivojlantirish talab etiladi. Aholining yashashi, ishlab chiqarish va tadbirkorlik bilan shug‘ullanish uchun zarur bo‘lgan energetika, suv ta’minoti, transport va kommunikatsiya infratuzilmalarini rivojlantirish uchun davlat tomonidan katta miqdordagi sarmoyalar talab etiladi.

Ichki imkoniyatlar cheklangan holatda, davlat tashqi qarzi, asosan infratuzilma, sanoat va qishloq ho‘jaligi loyihalariga yo‘naltirilmoqda.