Режа: Жамият барқарорлигини таъминлашда иқтисодий-сиёсий, ижтимоий маънавий омилларнинг муштараклиги

Жамият барқарорлигини таъминлашнинг
ижтимоий-ғоявий асослари
Режа:

1. 
   Жамият барқарорлигини таъминлашда иқтисодий-сиёсий, ижтимоий - маънавий омилларнинг муштараклиги.
   
2. 
   Миллий ғоянинг этносиёсат ва этномаданият ривожига таъсири. Ўзбекистонда миллий сиёсатнинг амалга оширилиши ва унда этник бирликлар манфаатлари ҳимоя қилинишининг ҳуқуқий ва ижтимоий асослари.
   
3. 
   Ўзбекистонда миллий маданий марказларнинг ташкил қилиниши миллатлараро барқарорликни таъминлаш воситаси.
   
4. 
   Ўзбекистоннинг халқаро ҳамжамиятга интеграциялашуви ва сиёсий мавқеи мустаҳкамланишида миллатлараро ва динлараро толерантликни мустаҳкамлаш тажрибаларининг демократик характери ва халқаро аҳамияти.
   

Миллий истиқлол ғояси жамиятда миллий ривожланиш бўлиб, демократик тамойилларга амал қилингандагина амалга ошади.
Биз демократия ҳодисаси, ҳар бир миллат ва жамиятнинг, давр-нинг ўз демократиясига эга бўлиши ҳақида аввал айтиб ўтган эдик. Бу ўзига хосликлар халқнинг тарихи, миллий менталитети, анъана-лари, амалдаги ижтимоий муносабатларнинг характери каби бир қатор омиллар билан белгиланади.
Айни пайтда барча миллатлар, даврлар ва давлатлар учун мавжуд тузумнинг демократик характерини белгиловчи умумий мезонлар ҳам мавжуд бўлади.
Демократиянинг принциплари жуда кўп. Бироқ, барча фуқаро-ларнинг қонун олдида тенглиги, халқнинг ҳокимият манбаи бўлиб хизмат қилиши, озчиликнинг кўпчилик иродасига бўйсуниши, фуқа-роларнинг шахсий, сиёсий, иқтисодий, ижтимоий, маданий ҳуқуқ ва эркинликларини амалга ошириш унинг асосий тамойилларидир.
Демократия моҳиятан инсоннинг ҳар томонлама камол топиши учун берилган имконият, шахс билан жамият манфаатларидаги уй-ғунликни таъминловчи омилдир. Бундан келиб чиқадиган мантиқий хулоса шуки, миллий ғоя миллатни демократияга, адолат ва эр-кинликга сафарбар этади.
Демократия ижтимоий муаммоларни ҳал этишнинг инсоният ҳо-зиргача кашф этган энг оқилона шаклидир.
Шу сабабли аввал мамлакатимизда демократик ривожланишнинг асосий йўналишлари(I11.1. чизма)ни белгилаб берган Президентимиз 2005 йил 28 январда Ўзбекистон Республикаси Олий Мажлиси Қонун-чилик палатаси ва Сенатининг қўшма мажлисида: “Бизнинг бош мақса-димиз – жамиятни демократлаштириш ва янгилаш, мамлакатни модер-низация ва ислоҳ этишдир”, - деб яна бир бор таъкидладилар.