Reja Innovatsion pedagogik texnologiyalarning o‘ziga xos jihatlari O‘qituvchi inovatsion faoliyatining asosiy tarkibiy qismlari Gumanistik pedagogikaning maqsad va vazifalari Innovatsion pedagogik faoliyatning shakl va uslublari 1-asosiy savolning

2-asosiy savolning bayoni.
O‘qituvchi innovatsion faoliyatining markaziy masalasi o‘quv jarayonini samarali tashkil etishdan iborat. O‘tgan asrning 70-yillari oxirlarida A.M.Arseneva, K.N.Volkov, M.N.Skatkin va o‘zbekistonlik pedagog-olimlardan bir guruhi pedagogika fani va amaliyotida muvaffaqiyatga erishish muammosini hal qilish borasida samarali g‘oyalarni ilgari surdilar va ta’lim samaradorligini ta’minlashda o‘qituvchining ta’lim jarayoniga yangiliklarni kiritishga tayyorgarlik darajasi asosiy o‘rin egallashini asoslab berdilar. Shunga ko‘ra «Innovatsion o‘zgarishlarni sezish, anglash har qanday o‘qituvchiga xos bo‘lavermaydi, - deb yozadi U.Nishonaliyev, - bu yerda eng asosiysi o‘qituvchining o‘zi yangilikni sezishga psixologik jihatdan tayyor bo‘lishidir». Innovatsion faoliyat – bu ilmiy izlanishlar, ishlanmalar yaratish, tajriba-sinov ishlari olib borish yoki boshqa fan-texnika yutuqlaridan foydalangan holda yangi texnologik jarayon yoki yangi takomillashtirilgan mahsulot yaratish bo‘lib, uning progmatik xususiyati shundaki, u g‘oyalar maydonida ham va alohida bir sub’ektning harakat maydonida ham amalga oshirilmaydi, balki bu faoliyatni amalga oshirish tajribasi kishilar hayotida hammabop bo‘ladigan holdagina haqiqiy innovatsion hisobla­nadi. Innovatsion faoliyatning asl mazmuni amalda yangi texnologiyaning shakllanishi bo‘lib, uning natijasi innovatsiya sifatida yuzaga kelgan ixtironi loyihaga, loyihani texnologiyaga aylantirishga yo‘naltirilgan faoliyatdir. O‘qituvchi innovatsion faoliyatni tashkil etib, uning shakllanish bosqichlarini quyidagicha belgilashi mumkin:
Birinchi bosqich – tayyor metodik tavsiyanomalar aniq qilib ko‘chiriladi.
Ikkinchi bosqich – mavjud tizimga ayrim yangi moslama (modifikatsiya)lar, metodlar kiritiladi.
Uchinchi bosqich – yangi g‘oyani amalga oshirish mazmuni, metod­lari va shakli to‘la ishlab chiqiladi.
To‘rtinchi bosqich – o‘qituvchi o‘qitish va tarbiyalashning o‘z konsepsiyasini va metodikasini ishlab chiqadi.²
O‘qituvchilarni innovatsion faoliyatga tayyorlashda jamoadagi psixologik muhitni, jamoa a’zolarining qanchalik darajada dunyo ta’lim bozoridagi yangiliklardan xabardor ekanligini hisobga olish zarur. Pedagogika – ta’lim-tarbiya to‘g‘risidagi ilmiy bilimlar tizimi: ob’ektivlik, maqsadga muvofiqlik, mustahkamlik, bir-biriga zid bo‘lmaslik uning asosiy harakteristikalaridir. Insonning shakllanganligi, rivojlanganligi va tarbiyasi haqidagi bilim, uning yuksak darajasi, talabga muvofiqligi ob’ektivlikning yagona talabidir.