Режа: Ижод ва унинг ишлаб чиқариш ташкилотларидаги ўзига хос хусусиятлари

Қисқача хулосалар 
Ижод – кўп қиррали тушунча ҳисобланиб, уни якка тартибдаги ва жамоавий меҳнат 
фаолиятининг сифатий тавсифи сифатида таърифлаш мумкин. У ушбу меҳнат фаолияти 
мазмунининг, қўлланиладиган усуллар ва олинган натижаларнинг маълум даражадаги 
янгилиги (новаторлиги) билан ажратиб туради. Ижоднинг мезони янгилик сифатида уни 
(ижодни) бевосита ўз олдига янги моддий ва маънавий неъматларни яратиш мақсадини 
қўювчи қидириш хусусиятига эга бўлган интеллектуал меҳнат фаолияти сифатида қабул 
қилиш учун асос беради. Ижод меҳнат фаолияти жараёнининг ўзида ишлаш услубини, 
инсоннинг ўз олдида турган вазифаларни ҳал этишга нисбатан ёндашувини, меҳнатга 
нисбатан муносабатни тавсифлайди. 
Юқорида айтиб ўтилган усуллар ижодий, ноанъанавий хусусиятларни тарбиялашга, 
қояларни фахмлаш ва яратиш, муаммоларни қўйишга бўлган доимий ички эҳтиёж мавжуд 
бўлишига, тафаккурнинг ўзига хос бўлишига ёрдам беради. Хулоса ўрнида айтиш лозимки, 
муаммони кўриб чиқилаётган жараён ёки ҳодисанинг ҳолатидан келиб чиқиб кўра олиш 
қобилияти ижодий тафаккур ривожланишининг асосий шарти ҳисобланади. 
Таянч иборалари 
Ижод, жамоавий меҳнат, фаолият, усуллар, натижалар, янгилик, новаторлик, мезон, янги 
моддий, маънавий неъматлар, интеллектуал, услуб, вазифалар, ёндашув, ижодий ёндашув, 
ижодий саъй-ҳаракатлар, фан, таълим, санъат, маданият, касб, олимлар, педагоглар, 
ёзувчилар, композиторлар, архитекторлар, рассомлар, ҳайкалтарошлар, журналистлар, 
режиссёрлар, артистлар, лавозим мажбуриятлари инновацион, ахборот, ташкилий, ижтимоий, 
функциялар, раҳбарлар, муҳандислар, мутахассислар, инновация, кузатувчанлик, маконий 
тасаввур қилиш. 
Назорат ва муҳокама учун саволлар 
1. Ижод ва унинг ишлаб чиқариш ташкилотларидаги ўзига хос хусусиятларига таъриф беринг. 
2. Креативлик субъектнининг ижодий салоҳиятини тавсифловчи қобилиятларнинг неча 
турини биласиз? 
3. Ишлаб чиқаришда ижодий меҳнат босқичлари, хиллари, шакллари ва даврларини 
тушунтириб беринг. 
4. Техник ижодни ташкил этиш усуллари қандай? 
5. Ижод қилишга ундаш усулларини биласиз?