Reja: I. Kirish. II. Asosiy qism

III.Xulosa
Dialogik nutqda ba’zan bittagina so`z gap vazifasini o`taydi.Bunday so`zlar badiiy matnlarga alohida ko`rk beradi.Bu turdagi so`zlar hech qanday bog`lamalarsiz va hech qanday shaxs-son qo`shimchalarisiz gap bo`lib kela oladi, shuning uchun ham biz aynan ularni so`z- gaplar deymiz.Masalan:
-Toshkent-Namangan dovon yo`lidan yurganmisiz?
-Yo`q.
-Qani, marhamat.Mashinaga o`tiring.Avval bu suratlarni ko`ring.Mana…Darvoqe,xorijiy mamlakatlarda bo`lgansiz-a?
-Ha.
-Qani, ayting-chi? Bu yerlarning dunyo sayohatchilarini hayratlantiradigan joylardan kam joyi bormi?
-Yo`q.Bu manzarani jahondagi eng so`lim go`shalar bilan ham qiyoslab bo`lmaydi.
-Ha,ha.Xuddi shunday.
Bulardan tashqari nutqimizda keng qo`llaniladigan labbay,ha ,rahmat, tashakkur so`zlari ham mavjud bo`lib,ularni xitob so`zlari deb atash mumkin.
Biz oddiy kundalik hayotimizda bunday so`z-gaplardan juda ko`p ishlatamiz. Ana shunday so`z - gaplardan yozuvchi o`z hissiyotlarini kitobxonga yetkazish uning ham hissiyotlarini junbushga keltirish, matnga o`quvchini jalb qilish maqsadida juda ko`p foydalanadi.Bu esa kitobxonga yoki matn bilan tanishayotgan insonga o`zgacha his va estetik zavq beribgina qolmasdan, balki uni o`sha muhitga “tushirib qo`yadi” deb o`ylayman. Oddiy kundalik hayotdagi so`zlashuv nutqida har doim ham yangidan matn yaratmaymiz. Ehtiyojimizga ko`ra turli matn turlaridan foydalanamiz. Ba'zan boshimizdan o`tgan yoki o`zimiz guvoh bo`lgan voqealarni kimgadir aytib beramiz. Insonlar o`rtasidagi muloqot maqsadi va mazmuni shular bilangina chegaralanib qolmaydi. Inson hissiyotlarini, tuyg`ularini, hayajonlarini, azob va qayg`ularini ifodalash, shu orqali tinglovchi yoki kitobxonni ta'sirlantirishni istaydi.Ana shunday hollarda ba'zan mubolag`a ba'zan o`xshash – qiyoslash kabi tasviriy vositalardan foydalanamiz.Xulosa o`rnida shuni aytishim mumkinki, xoh u yozma uslub bo`ladimi, xoh og`zaki uslub bo`ladimi baribir so`z – gaplarning alohida o`rni bor. Ayniqsa, badiiy matnlarga u alohidalik beradi.