Reja: Geografik sharoiti va tarixiy rivolanishining muhim jihatlari

Qishloq xo‘jaligi. Shimoliy Afrikadagi rivojlanayotgan mamlakatlarda dehqonchilik asosiy rol o‘ynaydi. Dehqonchilik tabiiy ofatlardan, qurg‘oqchilik, toshqinlar, chigirtkadan katta zarar ko‘radi. Mehnat umumdorligi past, shuning uchun ko‘pchilik mamlakatlar chetdan oziq-ovqat keltirishga majburlar.

Eksport ekinlari daromad olishning va chet el valyutasi kiritishning asosiy manbaidir. Mahsuloti eksport qilinadigan va iste’mol qilinadigan ekinlar yetishtirish geografisi tabiiy sharoit bilan juda bog‘liq. Shimoliy Afrikada sitruslar va zaytun mevalari, sabzavot, mevalar, alfa o‘ti eksport qilinadi. Misr bilan Sudan chetga paxta chiqaradi. Cho‘ldagi vohalarda xurmo yetishtiriladi.

Donli ekinlardan bug‘doy Afrikani shimolida (Jazoir, Tunis, Marokash,Misr), makkajo‘xori (Misr, Marokash), Nil vodiysida (Misr) esa sholi yetishtiriladi.

Shimoliy Afrika mamlakatlarida chorvachilik ekstensiv xo‘jalikdir; haydab boqiladigan yaylov chorvachiligi, yarim ko‘chmanchi va ko‘chmanchi chorvachilik asosiy o‘rin egallaydi. Marokash va Sudanda qo‘ychilik birinchi o‘rinda turadi. Bir qancha mamlakatlarda tuya va echki boqiladi. Mavritaniyada esa baliqchilik asosiy daromad manbai hisoblanadi.