Reja: Gap haqida umumiy ma’lumot

3-mashq
Gaplarni o‘qing. Ikkinchi darajali bo‘laklarni aniqlang.
1. Yalqovga bulut ham yuk bo‘ladi. (Maqol) 2. Umid bilan suqilgan tayoq, bir kun berar meva-yu yaproq. (Geyote) 3. El boshlig‘i yurakli bo‘lishi kerak, toki yuraksizlar ham undan yurak olsinlar. (Yusuf xos Hojib) 4. Uch toifa kishilarning duosi hech shubhasiz Alloh Taolo qoshida maqbuldir: mazlum kishining duosi, musofirning duosi va ota-onaning duosi. (Hadisdan) 5. Turli yuviqsizlarga yuvin deb buyurilsa toza bo‘lur, ammo johil qancha yuvinmasin pok bo‘lmaydi. (A.Yugnakiy) 6. Rahimli va mehribon tangri nomi bilan aytadilarki, hech bir ota-ona o‘z farzandiga hulq-u odobdan buyukroq meros berolmaydi. («Hadis»dan)
7. Zavol ko‘rma hech qachon o‘lkam,
Zavol bilmas shu yoshing bilan.
Muzaffar bo‘l, g‘olib bo‘l o‘ktam,
Do‘st-u yoring, qardoshing bilan.
Mangu yorug‘ maskanim manim,
O‘zbekiston, Vatanim manim. (A.Oripov.)


4-mashq
Gaplarni o‘qing. Ega va kesimni ajratib chiqing.
1. Go‘zallik-bu qisqa muddat hokimlik qiladigan qirolichadir. (Suqrot) 2. Har bir kishi asosan qo‘lidan keladigan va o‘ziga yarashadigan ishga urinishi zarur. (Arastu)
3. Haq yo‘lida kim senga bir harf o‘qitmish ranj ila,
Aylamak bo‘lmas ado oning haqin yuz ganj ila. (A.Navoiy)
4. Ertalab o‘rningdan turib o‘zingdan: "Nima ish qilishim kerak?", kechqurun yotishdan oldin esa: "Nima ish qildim?"-deya so‘ra. (Pifagor) 5. O‘qituvchi hamisha oqar suv bo‘lmog‘i zarur, chunki u hayot - ma`naviy hayot bulog‘i. (H.Ne`matov) 6. Oftob bilan oy ham so‘z ila ravshan, Falak aylanishin ham, bilgil, so‘z bilan. (A.Jomiy) 7. Har birimiz bizni voyaga yetkazgan, bizga eng bebaho boyligini - tilini hadya etgan onalar oldida qarzdormiz. Tilimizning sofligi uchun, boyishi uchun jon kuydirsak, farzandlik burchimizni ado etgan bo‘lamiz. (Ch.Aytmatov) 8. Chin donolar ustoz oldida shogirdligin unutmas aslo. (P.Mahmud)