Режа электрон жадвал мухаррирлари, уларнинг вазифаси ва имкониятлари. Асосий тушунчалар: катак, диапазон, сахифа, сатр ва устун

ИШЧИ КИТОБ ВАРАҚЛАРИ БИЛАН ИШЛАШ


EХCEL дастури ишга туширилгандан сўнг автоматик равишда янги ИШЧИ КИТОБ «КНИГА 1» номи билан яратилади. Агарда сиз бошқа Ишчи китоб яратмоқчи бўлсангиз, иш қурол панелидаги «Создать» пиктограммасига сичқонча кўрсаткичини келтириб тугмани босишингиз керак бўлади. Янги яратилаётган китоб компьютер хотирасида сақланиб, файл сифатида дискда сақланмаган бўлади. Агар алоҳида кўрсатилган бўлмаса, жадвалдаги ишчи варақлар 16 тагача бўлиши мумкин. Янги яратилган ишчи китобида битта варақ билан фаол иш олиб борилади. Бошқа варақни фаоллаштириш учун шу варақнинг ёрлиғи устига сичқонча кўрсаткичини келтириб босиш керак. Бошқа варақларни кўриб чиқиш учун айланма кўрсаткич тугмасини босиш керак. Алоҳида ном берилмаган бўлса ишчи жадвал варақлари «ЛИСТ1», «ЛИСТ2»... каби номланади. Бу варақларни қайта номлаш ҳам мумкин .


ИШЧИ ЖАДВАЛДАГИ ВАРАҚЛАРНИ ҚАЙТА НОМЛАШ
Варақ номларини ўзгартиришни қуйидаги усулларда амалга ошириш мумкин:



ИШЧИ ЖАДВАЛДАГИ ВАРАҚЛАРНИ ҚАЙТА НОМЛАШ

— «ФОРМАТ»—«ЛИСТ»—«ПЕРЕИМЕНОВАТЬ» буйруқларини танлаган ҳолда янги варақ номини киритиш

— сичқонча кўрсаткичини варақ ёрлиғи устига олиб бориб чап тугмачани икки марта босиш ва янги номни киритиш.
— сичқонча кўрсаткичини варақ ёрлиғи устига олиб келиш ва сичқончанинг ўнг тугмасини босиш ва контекстли менюда қуйидаги буйруқларни бажариш: Менюдаги «ПЕРЕИМЕНОВАТЬ» (Қайта номлаш) буйруғини танлаш ва янги номни киритиш



Эслатма: Юқоридаги амаллардан ихтиёрий бирини бажариб бўлгандан сўнг ENTER тугмаси босилиши керак. Шундан кейин янги киритилган ном варақлар ёрлиғида ҳосил бўлади.
Янги киритилган номлар узунлиги бўш жой билан биргаликда 31 та белгигача бўлиши мумкин. Агарда узун ном берилган бўлса, варақлар ёрлиғи ҳам шунчалик катта бўлиб, кейинги варақ ёрлиқларининг номлари кўринмай қолади.