Reja: 1-mavzu. Psixologiya fanining predmeti

2. Kundalik turmush va ilmiy psixologiya

• Psixik holatlar, jarayonlar, xususiyatlar ilmiy predmetga aylanishidan ancha ilgari kishilarda bir-birlari to’g’risida sodda psixologik bilimlar to’plana boshlagan. Bu bilimlar avloddan-avlodga o’tgan holda tilda, xalq ijodiyoti yodgorliklarida, san’at asarlarida o’z ifodasini topa bordi. Jumladan, maqol va matallarda.

• Bola o’z talabini qondirish istagida o’z yaqinlariga turli uslubda ta’sir o’tkazadi, ya’ni katta yoshdagilarning individual-psixologik xususiyatlarini o’zi anglamagan holda hisobga olib ish tutadi. Demak, kundalik turmushning psixologik bilimlari farosatlilik, sezgirlik, topqirlik intuitiv tarzda namoyon bo’ladi.

• Ilmiy psixologiya ma’lum metodlar, vositalar, usullar, operatsiyalar yordamida ma’lumotlar to’plash va ularni umumlashtirishga intiladi. Izlanayotgan obyektning xususiyati, holati, munosabati, bog’lanishi kabilarni aks ettiruvchi ilmiy tushunchalar, ta’riflar, qonuniyatlar yordamida psixologik mexanizmlarni kashf qiladi.

• Insonning ichki imkoniyati, iste’dodi, ishchanligi, qobilyati, xarakteri yuzasidan umumiy xulosalar chiqariladi. Buning natijasida shaxs psixikasini aniqlash, bashorat qilish, ayrim nuqsonlarni tuzatish, nohush kechinmalarning oldini olish imkoniyati tug’iladi.

• Ijtimoiy va shaxsiy tajribada yuzaga kelgan sodda psixologik ma’lumotlar ilmiy psixologiyagacha yaratilgan psixologik bilimlarni tashkil qiladi. Ilmiy psixologiyaning predmeti deyilganda, avvalo, psixik hayotning konkret faktlari nazarda tutiladi, psixologik faktlar bilan birgalikda psixologik qonunlar psixologiyada o’rganiladigan predmet bo’lib yuzaga chiqadi.

• 3. Taraqqiyotning turli bosqichlarida psixika haqidagi ta'limotlar

• Psixologiya bundan 2-2,5ming yillar muqaddam qadimgi Gretsiyada vujudga kelgan.
• "Psixologiya", ya’ni jon haqidagi fan so’zi (yunoncha "psyche"-ruh, jon, "logos’’-fan, ta’limot ma’nosini anglatadi) bizning davrimizda ham saqlanib qolgan.

•