«Реформалар билимданы» кең тармақлы республика илимий-ағартыўшылық таңлаўы өткериледи. Таңлаўда төмендегише тәртипте қатнасыўға болады. Студентлер арасында: «Ең белсенди реформалар үгит-нәсиятлаўшысы»

III. Көрик-таңлаўды шөлкемлестириў ҳәм өткериў
7. Көрик-таңлаўдың «Ең белсенди миллий идея ҳәм руўхыйлық үгит-нәсиятлаўшысы», «Руўхый-ағартыўшылық ислер бойынша ең жақсы кафедра», «Ең жақсы топар тюторы» ҳәм «Ең белсенди ҳаял-қызлар мәсләҳәт кеңеси баслығы» номинацияларында университет педагог хызметкерлери, «Ең белсенди реформалар үгит-нәсиятлаўшысы» номинациясында студентлери қатнасыўы мүмкин.
8. Көрик-таңлаўда қатнасыўды қәлеўшилер факультетлериндеги Жаслар менен ислесиў бойынша декан орынбасарларына арзалар менен мүрәжат етип, өзи ҳаққындағы тийисли мағлыўматларды усыныўы керек.
9. Арзалар ҳәр жылы 15-июнь күнине шекем қабыл етиледи.
10. Көрик-таңлаў 2 (еки) басқышта болады
11. Биринши басқыш – арзалар қабыллаў ҳәм таңлаў басқышы болып, бунда көрик-таңлаўда қатнасыў тилегин билдирген талабанлардан арзалар қабылланады ҳәм де олар 2 шәрт бойынша таңланады.
1-шәрт. Талабанлардың номинация бойынша әмелге асырған жумысларының нәтийжелилиги анализи (ҳүжжетлер тийкарында) – 50 (елиў) балл;
2-шәрт. Тараўға тийисли сораўлардан ибарат тест сынағы (ямаса сәўбет) тийкарында – 50 (елиў) балл;
2 (еки) шәрт бойынша жәми 100 (жүз) балл топланады.
Төрешилер қурамы тәрепинен талабанлар бағдар бойынша әмелге асырған жумыслар анализи ҳәм де миллий идея ҳәм социаллық-сиясий, руўхый-ағартыўшылық тараўға тийисли тест сораўларына жуўап бериўи (ямаса темалар бойынша сәўбет) арқалы баҳаланады.
Номинациялар бойынша әмелге асырған жумыслары ҳәм де тест (ямаса сәўбет) нәтийжелери бойынша, ең жоқары балл топлаған жеңимпаз көрик-таңлаўдың кейинги басқышында қатнасыў ҳуқықын қолға киргизеди.
12. Көрик-таңлаўдың ҳәр бир номинациясы бойынша университет басқышында жеңимпаз деп табылған қатнасыўшылардың ҳүжжетлери ҳәр жылы 1-июльден кешиктирмеген ҳалда Шөлкемлестириў комитетине жибериледи.
13. Екинши басқыш – Республика басқышы болып, ҳәр жылы август-сентябрь айлары даўамында 2 шәрт бойынша өткериледи.