Referati Gimnastika bilan shug‘ullanishda bajariladigan harakatli o‘yinlar

To‘r ustidan oyoq va boshda to‘p oshirish o‘yini
O‘yinga tayyorlanish. Voleybol maydonchasini turidan har-xil tomonida 5-8 kishidan bo‘lib ikki jamoa o‘yinchilari joylashadilar. To‘r balandligi 180-200 sm ga teng.
O‘yin tasnifi. Rahbarni xushtagi bo‘yicha jamoani o‘yinchilaridan biri raqib tomoniga tur ustida to‘pni oyoq (qo‘l) bilan tekib o‘tkazadi. To‘p tushgan tomondagi-o‘yinchilarni vazifasi uch marta oyoq yoki bosh bilan urib tur ustidan o‘tkazishlari kerak. Agar jamoalardan biri xatoga yo‘l qo‘ysa, o‘yin to‘xtatiladi, xatoga yo‘l qo‘ygan jamoa ochko yoki to‘pni uzatish huquqini yo‘qotadi. Hisob xuddi voleybol o‘yinidagi kabi yuritiladi. To‘p oshirilgach, (to‘p oshirgan jamoa xatoga yo‘l qo‘yganidan keyin), o‘yinchilar maydon bo‘ylab voleybol o‘yinidagidek, soat mili bo‘ylab siljiydilar.
O‘yin 3 partiya o‘ynaladi har bir partiya 10 ochkogacha o‘ynaladi. Har bir partiyadan keyin o‘yinchilar maydon jamoalarini almashadilar.
O‘yin qoidasi. Agar bitta o‘yinchiga qo‘li bilan ikki marta tegsa, devorga urilsa (maydoncha chizig‘i tashqarisiga) yoki to‘r tagidan o‘tsa, xato hisoblanadi.

Basketbol

O‘yinga tayyorlanish. Ikki jamoa basketbol maydonida erkin joylashadi (basketbol o‘yindagi kabi). Jamoa sardorlari o‘rtaga chiqadilar.
O‘yin tasnifi. O‘qituvchi sardorlar o‘rtasida to‘pni yuqoriga otadi, shundan so‘ng uni jamoalardan biri egallaydi. O‘yinchilar esa sakrab va to‘pni qo‘l bilan turtib, bir-birlariga uzatadilar. Basketbol shiti bo‘lsa, oxirgi maqsad-to‘p raqib shitiga tekqizgan, jamoa ochko oladi. Agar bo‘lmasa, unda to‘pni raqib tomonidagi old chiziq ustidan o‘tkazish kerak. Maqsadga erishgan jamoa ochko oladi, shundan so‘ng maydon o‘rtasida sardorlar yoki oldindan tanlab olingan o‘yinchilar o‘rtasida to‘pni yuqoriga otib o‘yin qaytadan boshlanadi. O‘yin o‘n daqiqa davom etadi. Besh daqiqadan keyin maydon tomonlari almashinadi. Ko‘p ochko to‘plagan jamoa g‘olib deb topiladi.
O‘yin qoidasi. Sakrash vaqtda o‘yinchilar bir-birlarini turtishi mumkin emas. O‘yin qoidasi buzilsa, to‘p boshqa jamoaga beriladi, o‘yin qoidasini ikkinchi marta buzgan o‘yinchi, almashtirishga ruxsat berilmagan holda, o‘yindan chetlatiladi.