Referat yozish uslubiyati, mavzularni tanlash, referatning strukturasi, uni rasmiylashtirish bo’yicha tavsiyalar va ko’rsatmalar

Asosiy qism

Mustaqil ishning asosiy qismida tanlangan mavzuning mazmuni yoritib beriladi.

Mustaqil ishning asosiy qismi, odatda,ikki bobdan tashkil topadi. Har bir bob 2-3 paragrafga ajratilishi lozim. Ishning har bir qismi tugallangan axborotni o`z ichiga olishi darkor.Odatda, mustaqil ishning asosiy qismida talaba ilmiy-texnik muammo doirasida o`rganilayotgan masalaning bugungi holatiga qisqacha baho berishi yoki fan doirasida mavzuning bugungi holatiga tavsif berib o`tishi tavsiya etiladi. Eslatib o`tish joizki, bunday baho va tavsif mustaqil ishning kirish qismida ham bayon etilishi mumkin.
Bundan tashqari, bu erda tanlangan mavzu bilan bog‘liq muammolar yoritilishi, ular tahlil qilinishi, mustaqil ish natijasida olinishi lozim bo`lgan xulosalar izohlanishi hamda mustaqil ishning ko`zlangan maqsad va vazifalar to`liq o`z aksini topishi lozim. SHuningdek, mustaqil ishning asosiy qismi uning kirish qismida belgilangan masalalarni echishga baishlangan bo`ladi.


Mustaqil ishning asosiy qismi quyidagi talablarga javob berishi lozim:

tanlangan mavzu yuzasidan to`plangan ma’lumotlarni bayon qilishda mustaqil ish asosiy qismi bo`limlarining bir-biri bilan o`zaro bog‘liqligi, bo`limlar tarkibidagi qism, bob va bandlarning o`zaro aloqadorligi;

shunday aloqadorlik haqida mustaqil ishni o`quvchi har qanday shaxsga aniq tushuncha bera oladigan mantiqiy izchillik;

bayon etilgan ma’lumotlar, faktlar va dalillarning ishonchliligi, to`liqligi, aniqligi;

bayon qilingan fikrning boshqacha talqinini istisnoqiladigan tarzda aniq, lo`nda va qisqa bo`lishi;

mustaqil ishning har bir bo`limidagi xususiy masala(masalalar)ning echimi aniq bayon etilishi;

har bir bo`lim (qism, bob yoki band)ni ohirida talaba shu qismni yakunlovchi xulosaviy fikrni bayon etgan bo`lishi lozim.
SHuningdek, mustaqil ishning asosiy qismi mazmunini slaydlar,sxemalar, jadvallar, diagrammalar, grafiklar va hokazolar orqali boyitish maqsadga muvofiq.


Xulosa

Talaba mustaqil ishning xulosasida o`zi o`tkazgan tadqiqotning har bir paragrafi bo`yicha chiqargan asosiy xulosalar va olingan natijalarga bergan baho aks ettirilishi lozim. Talaba tushunchalarga yakuniy ta’riflar berishi, ishni yozish jarayonida duch kelingan munozarali masalalar bo`yicha o`z nuqtai nazarini bayon etishi kerak.