Referat va esse tayyorlash 2 Ijodiy uy topshirig’ini tayyorlash

Bangledeshdagi Footwear. Footwear Sharqiy Bengaliyada 1930 yillarda o’z faoliyatini boshlagan. 1962 yilda kompaniya tomonidan Dxayka shahridan 30 km uzoqlikda joylashgan Tongi sanoat shaharchasida oyoq kiyimlari sanoati uchun ishlab chiqarish uskunalari tayyorlashga mo’ljallangan fabrikani qurishga birinchi yirik investitsiyalar kiritildi.
Kelgusi yillarda kompaniya barcha mumkin va mumkin bo’lmagan imkoniyatlarni ishga solib, o’z faoliyatini kengaytirdi. 1971 yilda kompaniya boshqaruvchi direktori hukumat tomonidan Bangladesh mustaqilligiga shaxsan o’zining hamda kompaniyaning hissasini qo’shgan yagona chet ellik shaxs bo’ldi. 1985 yilda kompaniya aktsiyadorlikni yo’lga qo’ydi va ikki yildan keyin mamlakatda chet el investitsiyalarining yirik xususiy sektorini boshqardi, shuningdek Dhamareda oyoq kiyim ishlab chiqaradigan korxona va charm fabrikasini ishga tushirdi. Yangi charm fabrikasi mahalliy kompaniya zavodlari uchun charm tayyorlar, mahalliy bozor uchun keng assortimentdagi oyoq kiyimlarni yyetkazib berar va eksport qilar edi.
1988 yilda Footwear Bangladesh 1800 ta xodim yolladi va o’z mahsulotini 81 ta univermag hamda 54 ta agenstvalar orqali sotishni yo’lga qo’ydi. Kompaniya mahalliy dizayndan foydalanib, yiliga 300 turga yaqin yangi oyoq kiyimi modellarini bozorgan taklif qilar edi. Kompaniya menejerlari faqat mahalliy aholidan tarkib topgan o’z personali salohiyatidan g’ururlanar edilar.
Yillik sotuv hajmi 1988 yilga kelib 10 mln. juftdan ortib, ya’ni bozorning 15 % ini tashkil etdi. Kompaniya daromadlari 30 mln. doll., sof foydasi 1 mln. doll.ni tashkil etdi. Moliyaviy jihatdan Footwear International xoldingi ichida kompaniya o’rtacha hajmdagi tashkiliy tuzilma hisoblanar edi. 110 mln. kishilik aholi va har bir aholi jon boshiga bir juft hisobidagi talab imkoniyatlari Bangladeshda kompaniya uchun 2 yil mobaynida judayam katta o’sish imkoniyatlarini berar edi.
Kompaniyaning boshqaruvchi direktori Djon Karlson, kompaniyada ishlayotgan 4 ta chet ellikning bittasi edi. Qolgan uchta menejer ishlab chiqarish, marketing va sotishni boshqarar edi. Ularning barchasida xoldingda ish olib borish bo’yicha katta tajriba to’plangan edi.
Topshiriq: Berilgan holat beqaror, tajovuzkor tashqi muhit sharoitlaridagi murakkab inqiroz holatini bildiradi. Kompaniya menejmenti qisqa vaqt (bir nyecha kun ichida) mobaynida siyosiy janjaldan boshlangan hamda uning asosida yuzaga kelishi mumkin bo’lgan iqtisodiy zararni minimallashtirish bo’yicha strategiya va taktikani ishlab chiqish vaziyatiga duch keldi. Bunda iqtisodiy, siyosiy-ijtimoiy harakterdagi juda ko’plab omillarni hisobga olish zarur edi. Siz quyidagalarni hal qilishingiz kerak:

1. 
   Tashqi muhit tahlilini amalga oshirish, siyosiy risklarni, mavjud tahdidlar darajasi va holatdan kelib chiqishi mumkin bo’lgan oqibatlarni baholash (bunda SWOT va STEP tahlillari foydalaning).
   
2. 
   Kelishmovchilikning chegaralarini aniqlang.
   
3. 
   Mavjud kelishmovchilik holatida xulq-atvor strategiyasini tanlang va uni asoslang.
   
4. 
   Hodisadan kelib chiqishi mumkin bo’lgan zararni minimallashtirish chora-tadbirlari grafigini ishlab chiqing.
   
5. 
   Mavjud holat bo’yicha PR sohasida takliflar ishlab chiqing.