Referat Topshirdi: Mamurov G’olibjon. Qabul qildi: Abdumalikov Abdumajid. Farg’ona-2020

Algoritm ishlab chiqish usullari
Algoitmlarni yaratish jarayoni birinchi navbatda bevosita qo‘yilgan masalaga va uni samarali, ixcham hamda qulay bo‘lishi esa dasturchining bilimi va mahoratiga bog‘liq. Samarali algoritm yaratilishi uchun quyida keltirilgan omillar ham muhim o‘rin tutadi:

• 
  Algoritm yaratuvchining bilimlari hajmi;
  
• 
  Intuitsiya, tasavvur va fikrlash darajasi;
  
• 
  Yechimlarni mustaqil aniqlash tajribasi;
  
• 
  Asosiy matematik amallardan foydalanish ko‘nikmalari;
  
• 
  Tahlil, sintez, taqqoslash, moslik, umumlashtirish, analogiya kabi amallardan unumli foydalanish;
  
• 
  Standart va nostandart masalalarni yechimini aniqlay olish;
  
• 
  Mantiqiy ko‘nikmalarni (gipotezalarni ilgari surish, strukturalarni tezlik bilan tuzish, xulosalar chiqarish) doimiy ravishda takomillashtirib borishi;
  
• 
  Boshqalarning aniq masalaga keltirgan yechimini aniqlay olishi va uni baholay bilishi;
  
• 
  Dasturlash tilining imkoniyatlaridan foydalana olish darajasi;
  

Strukturaviy algoritmlar - faqat standart boshqaruvchi strukturalardan foydalaniladigan yetarli darajada oddiy, tushunarli va oson o‘qiladigan masalalarni yaratish metodi.
Algoritmlashning strukturali tamoyillari –bu ularning bazaviy algoritmik birliklar asosida (chiziqli, tarmoqlanish, takrorlanish) yaratilishidir. Strukturali algoritm statik va dinamik holatlarda bo‘lishi mumkin. Bunday algoritmlarning to‘g‘riligini ularning bajarilish va yaratilish jarayonining barcha bosqichlarida kuzatish mumkin. Har qanday algoritmni strukturalashtirilgan – ekvivalent algoritm bilan ifodalanishi mumkin.
Bu metodga quyidagi masalalarga algoritm tuzishni misol sifatida keltiramiz:
1-masala: Kiritilgan sanaga ko‘ra navbatdagi sanani chop etuvchi algoritm tuzilsin.
Asosiy holatlar:
oy tarkibidagi kunlar sonini aniqlash;
yilning kabisa yili yoki kabisa yili emasligini aniqlah;
oyning oxirgi kunu bo‘lsa, keyingi oyning 1 chi kunini belgilash;
fevral oyi kunlarini hisobga olish;
Asosiy shart: ( (Y mod 4=0 ) and (Y mod 100<>0) ) or (Y mod 400=0 )

Juda ko‘p qo‘llaniladigan metod bu “yuqoridan pastga” deb yuritiladi. Bunda qo‘yilgan asosiy masala kichik masalalarga bo‘linadi, demak masala uchun yaratiladigam algoritm ham bir necha yordamchi algoritmlarga bo‘linadi. Bunday algoritmlarni funksiya yoki protseduralar deb ham yuritish mumkin.