Referat mavzu: Ta’lim standardi Bajardi: Zarifov Temurbek Ilmiy pedogogik faoliyat Reja

Oʼquv rejalar va ularni shakllantirish tartibi.
Oʼquv rejasi – oliy taʼlimning muayyan yoʼnalishi yoki mutaxassisligi boʼyicha oʼquv faoliyati turlari, oʼquv fanlari, kurslarining tarkibi, ularni oʼrganishning izchilligi va soatlardagi hajmini belgilaydigan normativ hujjat xisoblanadi.
Oliy taʼlim tizimida oʼquv reja normativ hujjat boʼlib u ikkiga boʼlinadi.
Oʼquv reja - oliy taʼlim muassasalarining aniq bir taʼlim yoʼnalishi yoki magistratura mutaxassisligi uchun oʼrnatilgan tartibda Davlat taʼlim standartlariga asosan tayanch oliy taʼlim muassasalarining tegishli kafedrasining yetuk professor-oʼqituvchilari tomonidan, shuningdek, turdosh oliy taʼlim muassasalarining shu soxa boʼyicha yuqori malakali mutaxassislarini xamda kadrlarni buyurtmachilarini jalb etgan holda ishlab chiqiladigan - normativ huquqiy hujjat xisoblanadi.
Oʼquv reja oʼquv jarayonini aniqlashtiradigan eng asosiy hujjat boʼlib unda bloklarning nomlari, oʼquv fanlarining nomlari, xajmi, fanlarning oʼqitish ketma-ketligi, oʼtiladigan dars mashgʼulotlarining (maʼruza, seminar, amaliy mashgʼulot, laboratoriya) turlari, joriy attestatsiyalar, malakaviy amaliyotlar, taʼtillar, davlat attestatsiyalari va malakaviy bitiruv ishlarining ximoyasi koʼrsatiladi.
Ishchi oʼquv reja oliy taʼlim muassasasining aniq bir taʼlim yoʼnalishi yoki magistratura mutaxassisligi uchun namunaviy oʼquv rejaga asosan xar oʼquv yili uchun ishlab chiqiladigan va oʼrnatilgan tartibda OTMning rektori (oʼquv ishlari boʼyicha prorektori) tomonidan tasdiqlanadigan oʼquv jarayonining normativ hujjati xisoblanadi.
Tegishli taʼlim yoʼnalishlari va magistratura mutaxassisliklarining ishchi oʼquv rejalari Oliy taʼlim muassasalarida oʼquv jarayoni grafigini tuzish uchun asos boʼlib xisoblanadi. OTM oʼquv jarayoni grafigida tegishli belgilar asosida xar bir kurs uchun xafta kunlari oylari, nazariy taʼlim, amaliyot, yakuniy nazorat, taʼtillar koʼrsatiladi.
Ishchi oʼquv rejalar oʼquv rejalarga asosan aniq bir bakalavriat taʼlim yoʼnalishi yoki magistratura mutaxassisligi boʼyicha xar oʼquv yili uchun taʼlim dasturlari, oʼquv kurslari, fanlari va oʼquv yillari boʼyicha ixtisoslik, tanlov va qoʼshimcha fanlarni shakllantirgan xolda ishlab chiqiladi va oʼrnatilgan tartibda tasdiqlanadi.