Referat mavzu: Qovurg‘alar, tо‘sh suyagi va kо‘krak qafasi. Yelka kamari qо‘l erkin qismi suyaklari tuzilishi yoshga doir xususiyatlari

Qо‘l panjasi suyaklari - ossa manus

Qо‘l panjasi suyaklari uch guruh suyaklardan : kaftning ustki qismidagi carpus, qо‘l kaftidagi metacarpus, qо‘l barmoqlarining ossa digitorum manus suyaklaridan tashkil topgan. Kaft usti suyaklari ikki qator bо‘lib joylashgan 8-ta suyaklardan iborat. Bilak suyaklariga yaqin qatorda quyidagi suyaklar joylashadi : qayiqsimon os scaphoideum, yarimoysimon os lunatum, uch qirrali os triquetrum, nо‘xotsimon os pisiforme. Ikkinchi qatorda quyidagi suyaklar bо‘ladi: trapetsiya os trapezium, trapetsiyasimon os trapezoideum, boshchali os capitatum, ilmoqsimon os hamatum. Har bir suyakda yonidagi suyaklar bilan bо‘g‘im hosil etuvchi yuzalar bо‘ladi. Kaft usti suyaklariga mushaklar birikkanligidan bо‘rtiqlar tuberculum ossis scaphoidei, tuberculum ossis trapezii va ilmoqsimon suyakda ilmoq hamulus ossis hamati hosil bо‘ladi. Kaft usti suyaklarining kaft yuzasida qayiqsimon suyakning va trapetsiya suyagining bо‘rtig‘idan tepalik eminentia carpi radialis hosil bо‘ladi. Ichki tarafdagi tepalik eminentia carpi ulnaris esa nо‘xotsimon suyak bilan ilmoqsimon suyakning ilmog‘idan tashkil topadi. Bu ikki tepaliklar orasida kaft egati sulcus carpi hosil buladi. Qо‘l kaftidagi suyaklar metacarpus naysimon suyaklar guruhiga kirib, boshcha caput, tana corpus, asos qismi basis dan tashkil topgan.