Referat mavzu: Qovurg‘alar, tо‘sh suyagi va kо‘krak qafasi. Yelka kamari qо‘l erkin qismi suyaklari tuzilishi yoshga doir xususiyatlari

Tirsak suyagi - ulna

Bu naysimon suyakning yuqori uchida tirsak о‘simtasi olecranon, tojsimon о‘simta processus coronoidus, ular orasida esa yelka suyagining g‘altagi bilan bо‘g‘im hosil etadigan о‘yma incisura trochlearis bо‘ladi. Tashqi yuza sohasida bilak suyagining boshchasi bilan bо‘g‘im hosil etadigan о‘yma incisura radialis joylashadi. Oldingi sohada mushak birlashadigan tirsak suyagining bо‘rtig‘i tuberositas ulnae bо‘ladi.
Tirsak suyagining tanasida oldingi qirra margo anterior, orqa qirra margo posterior va bilak suyagi tarafidagi qirra margo interossea bо‘ladi. Bu qirralar orasida esa oldingi yuza facies anterior, orqa yuza facies posterior, ichki yuza facies medialis hosil bо‘ladi. Tirsak suyagining pastki uchida: bigizsimon о‘simta processus styloideus, boshcha caput ulnae va boshchadagi bо‘g‘im yuzasi circumferentia articularis bо‘ladi. Olecranon da suyaklanish nuqtasi 8-11 yoshlarda hosil bо‘ladi. Diafiz sohasining suyaklanishi embrion taraqqiyotining 2 oylarida hosil bо‘ladi. Tо‘liq suyaklanib ketish 20 yoshlarda yakunlanadi. Distal epifizda suyaklanish nuqtasi 7-8 yoshda hosil bо‘ladi.

Bilak suyagi – ossa radii

Naysimon shaklidagi bilak suyagining yuqori uchida: boshcha caput radii, tirsak suyagi bilan bо‘g‘im hosil etuvchi yuza circumferentia articularis, yelka suyagi bilan bо‘g‘im hosil etuvchi chuqurcha fovea capituli radii joylashadi. Boshchaning ostida bilak suyagining bо‘yin qismi collum radii va mushak birikadigan bо‘rtiq tuberositas radii bо‘ladi. Bilak suyagining tanasida oldingi qirra margo anterior, orqa qirra margo posterior va tirsak suyagi tarafida suyaklararo qirra margo inferossea bо‘ladi. Bu qirralar orasida oldingi yuza facies anterior, orqa yuza facies posterior, tashqi yuza facies lateralis hosil bо‘ladi. Bilak suyagining pastki uchida bigizsimon о‘simta processus styloideus, tirsak suyagi bilan bо‘g‘im hosil etuvchi о‘yma incisura ulnaris, kaft usti suyaklari bilan bо‘g‘im hosil etuvchi yuza facies articularis carpea bо‘ladi. Caput radii da suyaklanish nuqtasi 5-6 yoshlarda hosil bо‘ladi. Diafiz qismining suyaklanishi embrion tarqqiyotining 2 oyida bо‘ladi.
Distal epifizda suyaklanish nuqtasi 1-2 yoshda bо‘ladi.