Referat bajardi: Qabul qildi: 2021 Reja

2. Axborot texnologiyalarining vujudga kelishi va rivojlanishini belgilovchi ichki va tashqi omillar.
Ma’lumki axborot texnologiyalari - axborotlarni yig’ish, saqlash, uzatish, qayta ishlash usul va vositalari majmuidir. Axborot texnologiyalarining vujudga kelishi va rivojlanishini belgilovchi ichki va tashqi omillar mavjud bo’lib, ularni quyidagicha tavsiflash mumkin.
• ichki omillar — bu axborotlarning paydo bo’lishi (yaratilishi), turlari, xossalari, axborotlar bilan turli amallarni bajarish, ularni jamlash, uzatish, saqlash va h.k.
• tashqi omillar — bu axborot texnologiyalarining texnikauskunaviy vositalari orqali axborotlar bilan turli vazifalarni amalga oshirishni bildiradi.
Zamonaviy axborot texnologiyalari vositalaridan foydalanish esa, ular bilan muloqotda foydalanuvchilarning ko’nikma va malakalariga bog’liq. Shuning uchun, dasglab zamonaviy telekommunikasiya vositalarining o’zi nimaligini bilib olish muhim sanaladi. Zamonaviy telekommunikasiya vositalari imkoniyatlari juda keng tizim bo’lib, unga ma’lum bo’lgan kompyuter, multimedia vosilalari, kompyuter tarmoqlari, Internet kabi tushunchalardan tashqari qator yangi tushunchalar ham kiradi. Bularga axborot tizimlari, axborot tizimlarini boshqarish, axborotlarni uzatish tizimlari, ma’lumotlar ombori, ma’lumotlar omborini boshqarish tizimi, bilimlar ombori kabilar misol bo’lishi mumkin.

3. Ta’lim tizimini rivojlantirishdagi asosiy vazifalar
Zamonaviy jamiyatda ta’lim tizimini rivojlantirishning strategik yo’nalishi - bu insonning turli sohalarda maqsadli mustaqil faoliyat asosida intellektual va axloqiy rivojlanishidir. Bunda 3 ta asosiy vazifaga e’tibor qaratiladi:
1. Ta’lim tizimini isloh etish.
2. Mustaqil faoliyat tamoyilini ta’lim va tarbiyaning asosiy tamoyili sifatida e’tirof qilish.
3. Ta’lim jarayoniga zamonaviy axborot texnologiyalarini joriy etish.
Zamonaviy insonning o’qish jarayoni faqat bog’cha, maktab, lisey yoki kollej, oliy o’quv yurti bilan tugamaydi. Inson butun umri davomida ta’lim olishi zarur, ya’ni ta’lim uzluksiz bo’lishi kerak. Demak, uzluksiz ta’lim-davr talabidir. Shuning uchun ham zamonaviy axborot texnologiyalariga bo’lgan ehtiyoj shakllandi.
XXI asr axborotlashtirish asrida ta’lim sohasini axborotlashtirish, har bir ta’lim muassasasida:
• o’qitish va o’qish jarayonining;
- ta’lim muassasasi boshqarilishining;
- ta’lim muassasasi bo’linmalarining;
-ta’lim muassasasi faoliyati muhitining axborotlashtirilishini talab qiladi.