Raximboyev izzat soatboyevich

Maktabdan tashqari ta’lim

1997-yilda qabul qilingan Kadrlar tayyorlash milliy dasturiga muvofiq, O’zbekiston Respublikasida Uzluksiz ta’lim tizimi joriy etildi.Ushbu islohotlarni qo’llab-quvvatlash maqsadida 1998-yildan boshlab Jamoat ta’lim markazlari (JTM) nomli YUNESKO loyihasi O’zbekistonda Amalga oshirilishi boshlandi. Loyiha YUNESKOning Osiyo va Tinch okeani mintaqasi “Ta’lim barcha uchun” dasturi doirasida qo’llab-quvvatlangan edi. Hozirgi davrda O’zbekiston Respublikasining 9 viloyati hamda Qoraqalpog’iston Respublikasidagi Birlashgan maktablar tarmog’iga a’zo bo’lgan muassasalar qoshida 10 ta Jamoat ta’lim markazlari tashkil etildi.

YUNESKOning Bankokdagi vakolatxonasi hamda Xalq ta’limi vazirligi bilan hamkorlikda “aholining imkoniyatlarini kengaytirish uchun axborot va kommunikatsiya texnalogiyalaridan foydalanish”, “Hayot ko’nikmalari ta’limi” va “OITV va OITSni oldini olish bo’yicha ta’lim dasturlari” 1999-2006-yillarda amalga oshirildi²⁸. Loyihalar doirasida multimedia o’quv dasturlari yaratildi va tegishli muassasalarga tarqatildi, hamda ushbu mavzuda milliy anjumanlar tashkil etildi.

2004-2005-yil YUNESKO Qatnashuv dasturi doirasida O’zbekiston Respublikasi Prezdenti huzuridagi davlat va jamiyat qurilishi akademiyasi qoshida Katta yoshdagilar ta’limi markazini tashkil etish qo’llab-quvvatlandi. Markaz tomonidan, 2004-2007-yillarda, katta yoshdagilar uchun o’quv dasturlari tashkil etildi va to’rtta o’quv qo’llanma ishlab chiqildi va nashr etildi.