Rashod nuri guntekinning “Choliqushi” asari tahlili

Aforizm

• Inson o‘zi yashagan joylarda ko‘ngliga yaqin olgan insonlarga ko‘rinmas simlar bilan bog‘langan. Ayriliq vaqtida bu simlar tortila boshlaydi va uzilib ketgan cholg‘u simlariday xazin ovoz chiqaradi. Ushbu aforizmda Feridening Komrondan ayriliqda o`tkazgan azobli kunlarining holati tasvirlangan.
• Inson kimnidir sevib qolsa, falokatga uchraganida asirga olinganday bo‘ladi. Ya`ni muallif ushbu so`zlar orqali bosh qahramoni uchun sevgi faqat azob-uqubat olib kelganini bildirmoqda.
• Odamzot eng ko‘p sevgan kishisi bilan sinaladi;
• Haqiqiy muhabbat orada qanchalik to‘siqlar bo‘lishidan qat’i nazar aslo yo‘qolib ketmaydi. Ya`ni muallif chin muhabbat so`nmas, abadiydir demoqchi.
• G‘amda qandaydir yashirin shafqat borday. Shikoyat qilmaganlarga nisbatan, ularni kulib qarshilaganlarga nisbatan kamroq zulmkor bo‘ladi. Ushbu hikmatli so`zlardan bosh qahramonning boshiga tushgan azob-uqubatlaridan saboq chiqarganini va shu kunlariga ham shukr qilayotganini bilish mumkin.

Asardan olingan taassurotlar

Sof va so`nmas sevgini tarannum etuvchi “Choliqushi” asaridan men juda ham boy tassurotlarga ega bo`lganman. Ya`ni, ham sevgi-muhabbat, hamda bir mojaro romani sifatida e’tirof etishimiz mumkin bo‘lgan “Choliqushi” romani o‘quvchiga yaqin so‘zlashuv tilida yozilgan va aynan shu sababga ko‘ra ham sevib o‘qiganman. Tasvirlarning rang-barangligi va ko‘pligi uchun o`zimni xuddi voqealar orasida hayolon his qilganman. Ayniqsa ruhiy holatlarni mukammal o‘xshatishlar bilan ifodalagan yozuvchi tabiat hodisalari tasvirlaridan ko‘p va o‘rinli foydalangan. Bosh qahramonlarning o`ziga xos xarakteri, dunyoqarashi hamda o`zgaruvchan syujet meni o`ziga rom etibgina qolmay, balki bu asar qalbimda muhrlanib qoladigan sevimli asarlarim sirasiga kirgan. Shuningdek, ushbu asar har bir kitobxon uchun odob o`rganish mumkin bo`lgan durdona hamdir. Asarning baxtli yakuni esa yuqorida bo`lib o`tgan yomon kunlarga nuqta qo`yilgani bilan menga juda manzur bo`lgan. Xulosa o`rnida esa shuni aytishim mumkinki, Rashod Nuri Guntekin qalamiga mansub “Choliqushi” romani har bir kitobxonni qalbidan joy oladigan durdona asardir.

E`tiboringiz uchun rahmat