Raqamli iqtisodiyot va innovatsiyalar

MUXAMMAD AL-XORAZMIY NOMIDAGI

TOSHKENT AXBOROT TEXNOLOGIYALARI UNIVERSITETI FARG`ONA FILIALI

“TELEKOMMUNIKATSIYA TEXNOLOGIYALARI VA KASB TA`LIMI” FAKULTETI

630-18 GURUH TALABASI

ABDUHAKIMOV MUHAMMADALI

“RAQAMLI IQTISODIYOT VA INNOVATSIYALAR” FANIDAN
MUSTAQIL ISHI

O`QITUVCHI: BO`TABOYEV M.

TAYYORLADI: ABDUHAKIMOV M.


Mavzu: Raqamli moliyaviy texnologiyalar ‘‘reg tech’’ va ‘‘suptech’’ mohiyati va vazifalari.

Reja:

I.Kirish.

II.Asosiy qism:

II.1.Blokcheyn tushunchasi.

II.2.Raqamli moliyaviy infrastruktura.

II.3.Moliyaviy texnologiyalarda raqamlashtirish.

II.4. ‘‘Reg tech’’ va ‘‘suptech’’ mohiyati va vazifalari.

III.Xulosa.

IV.Foydalanilgan adabiyotlar.

I.Kirish.

Raqamli iqtisodiyot tushunchasi kundan kunga hayotimizda katta ahamiyat kasb etib bormoqda. Xalqaro miqyosda olib qaralganda ko`pchilik naqd pulsiz ko`rinishda hisob-kitob qilishga va onlayn savdo qilishga odatlanib bormoqda. 2018-yil 28-dekabr kuni O`zbekiston Respublikasi Prezidenti Shavkat Mirziyoyevning Oliy Majlisga Murojaatnomasida ham yurtimizda raqamli iqtisodiyotni rivojlantirish zarurligi alohida ta`kidlanib, Hukumatga 2 oy ichida raqamli iqtisodiyotga o`tish bo`yicha «Yo`l xaritasi» ishlab chiqish yuklatilganligi ham bejizga emas.Iqtisodiyotning barcha sohalarini raqamli texnologiyalar asosida yangilashni nazarda tutadigan Raqamli iqtisodiyot milliy konsepsiyasini ishlab chiqilishi hamda «Raqamli O`zbekiston-2030» dasturi hayotga tatbiq etilishi juda muhimdir.«Raqamli iqtisodiyot yalpi ichki mahsulotni kamida 30 foizga o`stirish, korrupsiyani keskin kamaytirish imkonini beradi. Nufuzli xalqaro tashkilotlar o`tkazgan tahlillar ham buni tasdiqlamoqda. Shuning uchun iqtisodiyot sohalarida raqamli transformatsiyani amalga oshirish, milliy axborot texnologiyalarini rivojlantirish va bu yo`nalishda investitsiyalar jalb etish zarur», dedi Shavkat Mirziyoyev.

Iqtisodiy va texnologik taraqqiyotning yangi bosqichi sifatida namoyon bo`layotgan raqamli inqilob insoniyat hayotini shiddat bilan o`zgartirib, keng imkoniyatlar yaratish bilan birga, xalqaro raqobat maydonining yanada keskinlashuv davrini boshlab berdi.