“raqamli axborot texnologiyalari” kafedrasi “xalqaro axborot bazalari bilan ishlash” tanlov fanidan ma’ruza

Maqolaning mavzu va predmetlar bo’yicha qamrov doirasi:
Scopus tizim tasnifi 24 ta tematik bo’limni qamrab oladi.
Scopus ma'lumotlar bazasida indekslangan jurnallarda ilmiy maqolani nashr etish uchun nimalarni bilish kerak.
SCOPUS — ASOSIY MEZONLAR, AFZALLIK VA IMKONIYATLAR
Scopusda indeksatsiya qilish butun dunyo bo’ylab jurnallar uchun katta yutuq hisoblanadi va bu jihat ilmiy jamiyatning boshqa a’zolari uchun jurnalning sifatini tasdiqlab beradi.
Scopus uchun minimal mezon:

• jurnal taqriz asosidagi kontentga ega bo’lishi kerak;
• jurnal muntazam ravishda nashr etilishi kerak (ISSN xalqaro markazida ro’yxatdan o’tgan ISSN bo’lishi kerak);
• kontent xalqaro auditoriya uchun dolzarb va tushunarli bo’lishi kerak (lotin transkripsiyasida bo’lishi, maqola nomi va annotatsiyasi ingliz tilida ham berilishi kerak);
• jurnalning etika qoidalari mavjud bo’lishi;
• bundan tashqari, umumiy amaliyotga ko’ra, jurnal Scopus (ikkinchi bosqich) ga qo’shilish uchun arizani ko’rib chiqishdan kamida ikki yil oldin chop etila boshlangan bo’lishi lozim.

Scopusga kirgan jurnalning qanday afzalliklari bor?
Xalqaro jihatdan tan olinadi.
Butun dunyodagi boshqa tadqiqotchilar bilan hamkorlik qilish uchun keng imkoniyatlar mavjud.
Global ilmiy hamjamiyatni rag’batlantirish va ixtisoslashtirilgan fan sohalariga hissa qo’shish imkoniyatiga ega bo’ladi.
Jurnal kontentida iqtiboslilik darajasi ortishi mumkin.
Jurnalning Scopusda keltirilganligini bilish qanchalik muhim?
Jurnalning Scopusga kiritilganligi uni ilmiy jamoatchilik uchun potensial ahamiyatga ega ekanligini anglatadi. Scopusga kiritilgan jurnallar boshqa shu sohadagi jurnallardan o’zining ahamiyati bilan farqlanadi, ya’ni Scopus bazasiga kiritilgan nashrlar jurnallarni baholash jarayonida yuqori o’rinda turadi. Bundan tashqari, Scopusga kiritilgan jurnallar shu sohada ilmiy tadqiqot qilish uchun eng yaxshi indikatorlardan hisoblanadi.