Raqamlashgan dunyo nutqiy mavzuning maqsadi

Yozma nutq. Matn yaratish. 
Qisqartma soʻzlar yordamida kichik matn yarating. Partadoshingiz yozgan 
matnni tekshiring. Unda qanday xatolar borligini aniqlang. 

 
Ushbu topshiriq qisqartma soʻzlar imlosini mustahkamlashga qaratilgan boʻlib, 
oʻquvchilar yuqorida olgan amaliy va nazariy bilimlari asosida qisqartma soʻzlarni 
qoʻllab kichik matn yozishlari lozim. Bunda kundalik hayotida duch keladigan, 
oʻzlari tanish boʻlgan qisqartma soʻzlardan foydalanishlari mumkin. 
Asosiy eʼtibor qisqartma soʻzlarni kontekstda toʻgʻri qoʻllay olishiga
qaratiladi. Oʻquvchilar yozib boʻlganlaridan soʻz bir-birlari bilan yozgan matnlarini 
almashib tekshirib, munosabat bildirishlari lozim. 
Yozma nutq. Matn yaratish. 
YouTube platformasi yoki ijtimoiy tarmoqlarda oʻzingiz kuzatayotgan 
kanaldagi maʼlumotlar ostida qoldirilgan izohlar bilan tanishing. Izohlarning 
tanqidiy tahlil qiling. Kuzatuvlaringiz asosida kichik maqola yozing. Maqolada 
munosabat bildirishga doir qoidalarga toʻxtaling. 
Bu topshiriqni bajarishda oʻquvchilardan mustaqil izlanib, ijtimoiy 
tarmoqlarda yozib qoldirilgan izohlar bilan tanishib, oʻz munosabatlarini maqola 
koʻrinishida yozishlari talab etiladi.
Bu jarayonda quyidagilarga eʼtibor qaratishlari kerakligi aytiladi: 

---

•
YouTube platformasi yoki ijtimoiy tarmoqlardan oʻzingiz kuzatadigan lavhani 
toping; 
•
ushbu lavhada berilgan izohlarni oʻqib chiqing; 
•
izohlarda lavhaga mos munosabat bildirishganmi? taqqoslab chiqing; 
•
izohlardagi imloviy, uslubiy xatolarni kuzating; 
•
hisbelgi, tinish belgilar izohdagi gap mazmuniga mos qoʻllanganligini 
aniqlang; 
•
ushbu izohlardagi yutuq va kamchiliklarni aniqlab, oʻz munosabatingizni 
yozing. 
Topshiriqni bajarishda YouTube platformasidan foydalanish imkoni 
boʻlmagan oʻquvchilarga gazeta-jurnallardan foydalanishlari mumkinligi aytilishi 
lozim.