Раис: Ассалому алайкум ҳурматли илмий семинар аъзолари! Ҳурматли профессор-ўқитувчилар

РАИС: Ассалому алайкум ҳурматли илмий семинар аъзолари!
Ҳурматли профессор-ўқитувчилар!
Ўзбекистон Республикаси Олий аттестация комиссиясининг “Илмий даражалар берувчи илмий кенгаш ҳақида”ги қарорига асосан Тошкент вилояти Чирчик давлат педагогика институти DSc.03/30.04.2021.Ped.82.03 ракамли илмий кенгаш асосидаги бир марталик Илмий семинар таркиби.15 кишидан иборат қилиб тасдиқланган
Бугунги илмий кенгаш асосидаги бир марталик Илмий семинарнинг 15 та аъзосидан 15 нафар аъзоси, шу жумладан кўриб чиқилаётган диссертация ихтисослиги бўйича 10 нафар фан доктори ва 5 нафар фан номзодлари иштирок этмоқда. Кворум бор. Семинар ўз ишини бошлаш ваколатига эга. Мажлисни очиш бўйича қандай таклифлар бўлади? - (Овозлар: Мажлис очилсин). Эътирозлар борми? - Йўқ. Ким ушбу таклифга рози бўлса, овоз беришларини сўрайман.
- Қаршилар? - Йўқ. - Бетарафлар? - Йўқ.
Илмий семинар мажлиси ОЧИҚ деб эълон қилинади.
Сизларнинг эътиборларингизга кун тартибини ҳавола қиламан
Кун тартиби:

1. 
   Шарофутдинова Раънохон Шавкатовнанинг 13.00.02 – Таълим ва тарбия назарияси ва методикаси (бошланғич таълим) ихтисослиги бўйича “Синфдан ташқари дарсларда бошланғич синф ўқувчиларининг ижодий фаолиятини ривожлантириш методикаси” мавзусидаги педагогика фанлари бўйича фалсафа доктори (PhD) илмий даражасини олиш учун ёзилган диссертация ишининг муҳокамаси.
   

Мазкур кун тартибини тасдиқлаб беришингизни сўрайман. - (Семинар аъзолари: тасдиқлансин).
Қаршилар? - Йўқ. - Бетарафлар? - Йўқ. Қабул қилинди.
Диссертация иши Фарғона давлат университетида бажарилган.
Диссертантнинг илмий раҳбари п.ф.н., доцент Ф.Ў.Ўринова.
Тақризчилар: п.ф.д., профессор Б.Х.Ходжаев
п.ф..д.профессор Ў.Асқарова
Кун тартиби юзасидан қандай таклифлар бор?
ОВОЗЛАР: - Маъқуллансин.
СЕМИНАР РАИСИ: - Маъқуллансин, деган кенгаш аъзолари овоз беришларингизни сўрайман. Қаршилар? - Йўқ. - Бетарафлар? - Йўқ.
Ҳурматли Илмий семинар аъзолари!
Тадқиқотчи Шарофутдинова Раънохон Шавкатовнанинг шахсий ҳужжатлари билан таништириш учун сўз илмий семинар котиби, педагогика фанлари бўйича фалсафа доктори Рахманова Муқаддас Қахрамоновнага, марҳамат.