Рахматхўжаева Дилрабо Шухратхўжа

Тошкент архитектура қурилиш институти,“Қурилиш конструкциялари”
факультети, 5А340207-“Бино ва иншоотларни конструктив лойиҳалаш” мутахассислиги магистранти Рахматхўжаева Дилрабо Шухратхўжа қизининг “Тошкент шахридаги тарихий обидаларни техник ҳолатини текшириш, зилзилабардошлик ва умрбоқийлигини таҳлил килиш ва конструктив тавсиялар бериш” мавзусидаги магистрлик диссертациясига


ИЛМИЙ РАҲБАР ҲУЛОСАСИ

“Тошкент шахридаги тарихий обидаларни техник ҳолатини текшириш, зилзилабардошлик ва умрбоқийлигини таҳлил килиш ва конструктив тавсиялар бериш” мавзусидаги магистрлик диссертация иши кириш қисми, иш мазмунини ёритувчи 3 та боб ва умумий хулосаларни ўз ичига олади. Диссертация иши 140 бет, 44 номдаги хорижий ва маҳаллий адабиётлардан ҳамда интернет сайтларидан иборат.

Диссертация мавзуси бўйича илмий тадқиқот ишлари натижалари асосида 3 та илмий мақола Республика илмий-амалий анжуманлар тўплами ҳамда ТАҚИ журналларида чоп этилган.

• 
  Д.Ш.Рахматхўжаева магистрлик диссертация ишини аввалдан мўлжалланган календар режа асосида ўз вақтида бажарди. Мазкур магистрлик диссертацияси Тошкент шахридаги тарихий обидаларни техник ҳолатини текшириш, зилзилабардошлик ва умрбоқийлигини таҳлил килиш ҳамда замонавий компютер дастурлари ёрдамида ҳисоблаш ва тавсиялар беришга бағишланади. Миллий ва маънавий қадриятларимизни тиклаш, ўрганиш ва тарғиб этиш, маданий ёдгорликлар, муқаддас қадамжоларни асраб-авайлаш, уларни асл қиёфасига мос тарзда белгиланган меъморий талаблар асосида қайта тиклаш ва таъмирлаш асосий вазифа сифатида белгилаб олинди.
  

Обидаларнинг техник ҳолати тахлил қилинди ,бўлиб ўтган таъмирлаш ишлари урганилди ва мадрасаларнинг пешток кисмлари сейсмик кучлар таъсирига реал акселерограммалар орқали Лира ПК 9.6 ҳисоблаш дастури оркали ҳисобланди. Ҳисоб натижалари тахлил қилинди, ҳамда уларнинг техник холатни яхшилаш, айрим шикастланган конструкцияларнинг мустахкамлигини ва обидаларнинг умрбоқийлигини ошириш юзасидан қўшимча таклифлар берилган.
Д.Ш.Рахматхўжаева диссертация устида ишлаш жараёнида мавзу бўйича маҳалллий ва хорижий адабиётларни, интернет маълумотларини етарлича ўрганган, қилинган ишлар таҳлилидан фойдаланган.
Диссертант мавзуни ёритишда магистрлик даврида олган назарий ва амалий билимларини қўллаган.
Д.Ш.Рахматхўжаева томонидан бажарилган илмий-тадқиқот ишида ҚМҚ, Давлат стандартлари нормаларига асосланган ҳолда, Лира 9.6 ҳисоблаш дастури имкониятларидан кенг фойдаланган. Тақдим этилган магистрлик диссертация иши, якунланган илмий-тадқиқот бўлиб, ҳимояга тавсия этилади.
Магистрант Д.Ш.Рахматхўжаева 5А340204 - 5А340207-“Бино ва иншоотларни конструктив лойиҳалаш” мутахассислиги бўйича магистр академик даражасига лойиқ деб ҳисоблайман.

Илмий раҳбар “Қурилиш конструкциялари” кафедраси доц. Юсуфходжаев С.А.
	Имзо