Радиоэлектрон қурилмалар ва тизимлар (радиоэлектроника)

I. Ўқув фанининг долзарблиги ва олий
таълимдаги ўрни
Ушбу фан радиотехника ва радиоэлектроника соҳасида ахборотларни узатиш қабул қилиш, қайта ишлаш жараёнидаги электрофизик катталикларни ўлчашларни, ҳисоблаш усуллари ҳақидаги маълумотларни қамраб олади. Жамиятда мавжуд радиотехник системалари элементлари параметрларини билишда, уларни қўллашда онгли муносабатда бўлишда ва улардан фойдаланишда талабаларни зарур бўлган билимлар билан қуроллантиради.
“Микротўлқин ўлчашлари” фани умумкасбий фанлар блокига киритилган курс ҳисобланиб, 3-курсда ўқитилиши мақсадга мувофиқ. “Микротўлқин ўлчашлари” ишлаб чиқариш-техник соҳа фанлар туркумига киради ва “Радиоэлектрон қурилмалар ва тизимлар” йўналишида ўқитилади. Мазкур фан соҳага тегишли бошқа фанларни ўқитишда замин бўлиб хизмат қилади.
II. Ўқув фанининг мақсади ва вазифаси
Фанни ўқитишидан мақсад – талабаларга ўлчаш бирлигини сақлаган ҳолда радиотехник занжирларни физик катталикларни ўлчаш натижасида олинган ахборотларни таҳлил қилиш ва ҳисоблаш усулларини ўргатиш ҳамда таълим стандартида талаб қилинган билимлар, кўникмалар ва тажрибалар бўйича билим даражасини таъминлашдир.
Фан бўйича талабаларнинг билим, кўникма ва малакаларига қуйидаги талаблар қўйилади. Талаба:
- замонавий ўлчаш қурилмалари ва уларнинг ривожланиб бориши ҳақида тасаввурга эга бўлиши;

• 
  радиоқурилмаларни ишлаб чиқариш ва эксплуатация қилиш, ишлаб чиқишнинг метрологик таъминлаш ва ўлчаш принципларини билиши ва улардан фойдалана олиши;
  
• 
  радиотехник қурилмаларни ва сигналларни параметрларини ўлчаш усуллари ва қурилмаларини билиш, ўлчаш натижалари ва хатоликларини баҳолаш кўникмаларига эга бўлиши керак;
  

III. Асосий назарий қисм (маъруза машғулотлари)
1-модуль. Фаннинг предмети ва мақсади.
1-мавзу. “Микропроцессор қурилмалар ” фанига кириш.

Фаннинг республикамиздаги янги технологияларни жорий қилишдаги ва ривожлантиришдаги аҳамияти, соҳа бўйича бакалаврлар тайёрлашдаги ўрни ва асосий вазифалари. Микротўлқин ўлчашлар бўйича асосий тушунчалар ва таърифлар.