Radio jurnaliSTİKA

a. Studiyadankkənar yayım:
prodüser və mühəndis 
heyəti dəqiq planlaşdırma aparılmalı, proqram 
tələbatı müəyyənləşdirilməli və texniki vasitələrin 
xərcləri hesablanmalıdır. Həmçinin, yayım hüququnu 
qazanmaq üçün olayın, tədbirin təşkilatçısı ilə də 
müzakirə aparılmalıdır. Reklamçı və ya sponsorun 
tələb və ya məhdudiyyətləri və ödəniləcək vergilər 
haqqında da söhbət aparmaq lazımdır. 
b. Ödəniləcək vergilər haqqında:
zəruri 
“kəşfiyyat” aparılmalı, elektrikin verilməsindən 
tutmuş, mikrofonların, səsgücləndiricilərin və s. 
yerləşəcəyi nöqtələr və səsyazma şəraitinədək 
hər şey dəqiqləşdirilməlidir. “Yayım günü” baş verə 
biləcək xətalar, potensial təhlükələr və təhlükəsizlik 
tədbirləri, hər cür gözlənilməz vəziyyətlər 
öyrənilməlidir. 
c. Yayım üçün gərəkli məlumat:
yayıma hazırlaşan 
yaradıcı heyət, ilk növbədə prodüser, şərhçi və 
aparıcı keçirilən tədbir (görüş, nümayiş, konsert və 
s.) haqqında, onun məqsədi və iştirakçıları barəsində 
dəqiq məlumatları olmalıdır. Yayım üçün gərəkli 
məlumatlara bunlar daxıldır: 
a. tədbirdə kimlərin iştirak etməsi və onların sayı; 
b. tədbirin məqsədi və əvvəllər keçirilibsə qısa 
tarixçəsi;
c. tədbirin ssenarisi və s. 
Şərhçilər əlavə məlumat almaq üçün mətbuata, 
İnternetə müraciət edə bilərlər. Bu zaman prodüser 
hər işçiyə onun canlı yayım və yayımdan öncəki və 
sonrakı vəzifələri haqqında dəqiq izahlar verir. 
d. Əsas texniki problemlərin həll edilməsi: 
yayımın 
texniki baxımdan necə gerçəkləşdiriləcəyi dəqiq 
bilinməlidir. Bu prosesdə bir çox mühüm suallara 
cavab verilməlidir: veriliş canlıdırsa, siqnallar nəzarət 
studiyasına necə göndəriləcək? Hansı radio əlaqələri 
tələb olunur? Məkan radio diapazonuna uyğun 
gəlirmi? Birləşmiş rəqəmsal radio xətləri varmı? Bu 
suallar əvvəlki mərhələlərdə müzakirə olunmalıdır, 
çünki bunlar verilişin xərclərinə birbaşa təsir 
göstərəcək amillərdir.