Radio jurnaliSTİKA

eyni adam tərəfindən 
səsləndirilməsi xəbər 
xidmətinin, onun 
simasında bütöv 
radiostansiyanın 
şöhrətini puç edər.

---

96
jurnalist isə şərhçi kimi çıxış edə bilməz. Razılaşın ki, 
əyləncəli verilişin aparıcısı «Xəbərlər» proqramını apara 
bilməz və əksinə. Bunlar iki müxtəlif janrdır, onları 
qarışdırmaq dinləyici inamını məhv etmək deməkdir. 
Bir də unutmaq olmaz ki, bu şərhlər müəllifin 
subyektiv fikirləri olsa belə, faktlar və həqiqət təhrif 
olunmamalıdır, kifayət qədər geniş fikirlər spektri və 
müxtəlif nəzər nöqtələri təqdim edilməlidir.
Sifariş materiallarının, gizli reklamların hazırlanması 
qəti yolverilməzdir. Özünüzü xülyalarla aldatmayın 
ki, bu yenilikdir, heç yerdə eşidilməyib. Eşidilib, özü 
də necə! Əgər verilişiniz reklam xarakterlidirsə – 
həqiqəti söyləyin ki, veriliş kommersiya məqsədlidir, 
Sizi anlayacaqlar, şöhrətinizə xələl gəlməyəcək. 
Aldatmayın! Sonra doğru faktları söyləyəcəksiniz, 
amma Sizə heç kəs inanmayacaq. “Yalançının evi yandı, 
heç kim inanamadı” misalını xatırlayın. 
Peşə etikasına sadiqlik.
Jurnalist peşəsində bu ən 
başlıca prinsiplərdən biridir. Burada söhbət təkcə pulla 
və ya «qiymətli hədiyyələrlə» ələ almadan getmir. 
Belə şəraitdə hansı etikadan (qanunlara riayət etməyə 
bərabər tutulan) söhbət gedə bilər. Burada o qədər də 
nəzərə çarpmayan şeylər nəzərdə tutulur. Deyək ki, 
furşetlər, tanışlıq səyahətləri, təqdimetmə mərasimləri 
və.s. Sadəcə, dəvətlə razılaşmalı ya yox düşünərkən, 
nə üçün dəvət aldığınızı fikirləşməyə dəyər. Çox 
halllarda belə tədbirlərin məramı xoşagələn imic 
yaratmaqdır, PR isə jurnalistin işi deyil.
Hətta, yüz faiz əmin olduqda belə ki, təşkilatçılar 
səmimiyyətlə sizin ac olduğunuzun qayğısına qalırlar, 
sadəcə sizə öz ürək açıqlığını nümayiş etdirmək, 
arzuladığınızı sizə göstərmək istəyirlər, fikirləşin: 
birdən «qəbul edənlər tərəfinə» dolaşıq sual vermək 
istəsiniz və ya, deyək ki, onların mövqeyini tərəddüdlə 
qarşıladınız, bunu edə biləcəksinizmi, bu nə qədər 
təşkilatçılara qarşı əxlaqi sayıla bilər. Əgər, tədbirdə 
belə sualların verilməsi istisna edilirsə, bəlkə də, oraya 
getməyə dəyər. Əks təqdirdə jurnalist müstəqilliyini 
necə qorumalı?... Məhz buna görə Qərbdə bir çox 
redaksiyalarda «dəmir» qaydalar qoyulub: redaksiya 
işləri ilə bağlı səyahət və yemək xərcləri yalnız 
redaksiyanın və şəxsin öz hesabına ola bilər. Əgər,
materialı özün əldə etmisənsə, onu ümumi tanışlıq 
səyahətlərində köçürməmisənsə, onun dəyəri 
ölçüyəgəlməyəcək dərəcədə yüksəlir.