Radio jurnaliSTİKA

Mətbuat azadlığı.
Bu prinsipi hamıya bəllidir. 
Jurnalistlərin maneəsiz informasiya və şərhləri almaq 
və dərc etmək imkanı olmalıdır. Əlbəttə, bu normaları 
ilk növbədə sizinlə işləyəcək adamlar bilməlidir. Ancaq 
bəla burasındadır ki, çox zaman jurnalistlər özləri bu 
qaydaları şüurlu şəkildə bütünlüklə rədd edirlər.
Həqiqətə hörmət.
Biz həqiqəti nə qədər acı olsa belə, 
qərəzsiz aşkarlamalıyıq, uydurmalar, şaiyələr və şəxsi 
fikirlər yox, məhz vicdanla toplanmış faktlar istənilən 
materilın əsası olmalıdır. 
Müstəqillik. Jurnalist öz işində kimsənin təsirinə 
meylli olmamalıdır. Biz tez-tez jurnalistlərdən eşidirik 
ki, onlar redaktorun, sahibkarın, reklamverənin, 
qubernatorun, merin və digərlərinin təzyiqinə məruz 
qalırlar. İzah etməyə ehtiyac yoxdur, biz elə ki, kiminsə 
təzyiqinə məruz qalırıq qərəzsizlik, vicdan və həqiqətə 
hörmət haqqında danışmaq çətin olur. Nə etməli? 
Bizim jurnalistə ona təzyiq edilən radiostansiyadan 
uzaqlaşmağı məsləhət vermək hüququmuz yoxdur. 
Biz yalnız onu xatırlada bilərik ki, jurnalistin həmişə 
seçmək imkanı vardır.
Qərəzsizlik. 
Etik jurnalist həmişə bitərəfliyi 
gözləməlidir. O, heç kəsin tərəfində durmamalıdır, bu 
onun işi deyil. Onun işi faktları vermək, ictimaiyyətin 
diqqətini onlara cəlb etməkdir. Elə ki jurnalist 
kiminsə tərəfində dayandı, o, vicdanlı və obyektiv ola 
bilməyəcək. Əgər kiminsə tərəfində durmaq istəyi 
yaranarsa, ən qaynar nöqtələrdə belə təsir göstərən bu 
qaydanı xatırlayın: jurnalist heç bir şəraitdə əlinə silah 
almamalıdır.
İnformasiya mənbəyinin mühafizəsi.
Burada çox 
güman ki, ətraflı şərhə ehtiyac yoxdur. Əgər məlumat 
mənbəyiniz varsa, sizin onu aşkarlamamaq hüququnuz 
var. Bir çox hallarda bunu açmaqla qeyri-etik hərəkət 
etmiş olursunuz. Söhbət yalnız cinayət təhqiqatından 
gedirsə, qanunla razılaşdırılmış bir sıra hallarda biz 
mənbəni göstərməyə borcluyuq. Belə hallar qanunda 
dəqiq müəyyən edilmişdir.