Radio jurnaliSTİKA

V BÖLÜM
RADİO XƏBƏRİN HAZIRLANMASI / 
REDAKTOR
REDAKTOR

---

50
Radionun redaktoru olsan, nələri etməlisən?
Redaktor bir və ya bir neçə xəbər buraxılışı üçün 
xəbərlərin yayımlanması məqsədilə komandanın 
işini istiqamətləndirir və nəzarət edir. Xəbər axışının 
tənzimlənməsi, peşəkar jurnalistika prinsiplərinin və 
standartlarının izlənməsi, yayım siyasətinin təşkili də 
ilk olaraq onların öhdəsinə düşür. Reaktorlar hüquqi 
və redaktə sorğuları üçün ilk instansiya rolu oynayır. 
Əgər sən redaktorsansa, işlədiyin radiostansiyanın 
strategiyasına aid olan bütün yerli, dini və milli 
məsələlərdən xəbərdar olmalı, hədəf auditoriyanla 
əlaqələr qurmalısan. Redaktorlar radiojurnalistlər 
və reportyorlarla işləyən ilk instansiya olduğundan 
orijinal ideyaların xəbərə və hekayəyə çevrilməsini 
təmin etmək də sənin vəzifəndir. Təlimatlar, məhz 
redaktor vasitəsilə jurnalistlərə ötürülür. Redaktor 
olaraq jurnalistləri motivasiya etmək, onların 
vərdişlərini inkişaf etdirmək, performanslarını 
qiymətləndirmək sənin öhdənə düşür. Proqramın 
büdcəsi, avadanlıq prioritetləri də sənin öhdəndədir. 
Redaktor olsan belə, gərək olduğu zaman xəbər 
yazmağı, təqdim etməyi, reportaj hazırlamağın tələb 
edilə bilər. Redaktor işləməzdən əvvəl bir neçə il 
yayım jurnalisti və reportyor kimi işləməyin vacibdir. 
Bununla həm ixtisaslaşacaq, həm də rəhbərlik 
etdiyin komanda üzvlərinin konkret nə ilə məşğul 
olduqlardan xəbərdar olacaqsan. Radioda redaktor 
olmağın ən uğurlu yolu radio jurnalist və reportyor 
karyerasından keçir. Kiminsə fikirlərini və ideyalarını 
mühakimə etməzdən əvvəl özün yaxşı media məhsul 
yaratmağı bacarmalısan. Redaktor olaraq daim 
məsləhətlər almaq, əlavə bacarıqlar formalaşdırmaq, 
qısa kurslarda və təlimlərdə iştirak etməyi tövsiyə 
edirik.
V BÖLÜM
RADİO XƏBƏRİN HAZIRLANMASI / 
BÜLLETEN REDAKTORU
Xəbər bülletenlərinin hər saat başı efirə verilən 
buraxılışlarının məzmunu və tam şəkildə hazırlanması 
üçün məsul olan jurnalistdir. Onlar bütün bülletenin 
məzmununu dərindən təhlil edir, oxuyur, düzəlişlər 
edirlər. Gərək olarsa, xəbər lövhəsində dəyişikliklər 
etməyə ixtiyarları var. Bülletenin redaktorunun başqa 
vəzifələri də var:
▪ Təhlükəsizlik xidmətlərindən (yanğınsöndürmə, 
təcili yardım və s.) əgər daha əvvəlki saatlarda bu 
tip xəbərlər verilibsə, informasiyanı dəqiqləşdirmək
▪ Şərhləri yoxlamaq, aparıcı mətnlərinin redaksiya 
siyasətinə və üslubuna uyğunluğunu yoxlamaq
▪ Xəbərlərdə etik və hüquqi məsələlərin gözlənməsini 
iki dəfə yoxlamaq
▪ Xəbərlərin davamını izləmək (hadisələrin inkişafını), 
ortaya çıxan yeni tərəflərin işıqlandırılmasına 
nəzarət
▪ Xəbərlərin yenidən yazılması və təzələnməsi 
▪ Xəbərlərin reportyorlar arasında bölünməsi