Radio jurnaliSTİKA

k. Anonsların verilməsi:
Radio yayımlayacağı tədbir haqqında öz 
dinləyicilərinə davamlı bilgi verməli, bu barədə 
anonslar səsləndirməlidir. Prodüser əmin olmalıdır 
ki, studiyadankənar yayımla bağlı təbliğat işləri 
davamlı həyata keçirilir. Bu təbliğat veriliş afişaları, 
çap edilmiş plakatlar, mətbuat şərhi və ya radioda 
sadə elan formasında da ola bilər. Yayımçıların 
həm ictimai tədbiri tamamilə təsvir etməsi, həm də 
onun haqqında insanlara xəbər verməsi uzun illərin 
təcrübəsindən irəli gəlir. Əksər hallarda təbliğat 
kütlənin marağına səbəb olur və insanlar tədbir 
keçirilən yerə axışırlar.

---

76
VI BÖLÜM
İRİHƏCMLİ PROQRAMLARIN HAZIRLANMASI /
MUSİQİ PROQRAMLARI
Radionu musiqisiz təsəvvür etmək çətindir, axı 
stansiyalarının əksəriyyətinin əsas materialı 
dinləyiciləri dаhа çох cəlb еdən musiqidən ibarətdir. 
Kompüterləşdirilmiş musiqi mağazaları və disklər 
stansiyanı hazır və yüksək keyfiyyətli musiqi ilə təmin 
edir, həmin musiqinin qiyməti ucuz, ondan istifadə 
etmək asan olur. Əksər radiolarda musiqi siyahısı 
kompüterdə sa xlanılır, müəyyən qismində CD 
vasitəsilə yayımlanır. 
Stansiyaların çoxu musiqidən istifadə yollarını sistemli 
şəkildə nizamlayırlar, məsələn, ardıcıl proqramlarda 
eyni musiqinin səsləndirilməsinə imkan vermirlər. 
Adları məlumat kimi daxil etdikdə kompüter musiqi 
üslublarını, ifaçıları, bəstəkarları və s. istədiyimiz 
tezlikdə yığa bilir. Cədvəlin qurulması müxtəlif 
kompüter proqramları (SOLEA, SABLE, Selecta, 
Music Master və s.) vasitəsilə həyata keçirilir. Həmin 
proqramlara elementlərin fırladılması, müəyyən 
vaxt ərzində musiqinin neçə dəfə ifa edilməsi və 
günün hansı saatlarında hansı üslublu musiqilərin 
səslənməsini təmin edən stansiya sistemləri daxildir. 
İfa olunan musiqilər yaddaşda qalır və bu, dinləyici 
sorğuları üçün də mənbə ola bilir. Kompüter sistemi 
musiqi seçiminə icazə verilməyən aparıcılar üçün 
həftəlik musiqi siyahısını da hazırlamağa kömək edir.
Dünya radio təcrübəsində musiqi proqramlarının 
aşağıdakı növləri yayılmışdır:
▪