Radio jurnaliSTİKA

f. Zəruri avadanlığın seçilməsi
Bunlar texniki işlərlə məşğul olan heyətin seçdiyi 
və müxtəlif kateqoriyalara bölünmüş texniki 
avadanlıq (radio mikrofonları da daxil olmaqla bütün 
növ mikrofonlar, kabellər, simlər və birləşdiricilər, 
audiomikşerlər, kompüter dəsti və proqram təminatı 
və s.), proqramlar (disklər, minidisklər, ssenari, 
saniyəölçən və s.), ofis və dəftərxana ləvazimatı 
(stol-stullar, kağızlar, mini kompüterlər, mürəkkəb 
katricləri, yapışqan, qələm-karandaş, markerlər, 
fənərlər, qeyd kitabçaları, mobil telefon və s), 
nəqliyyat (maşınlar, yanacaq qabı və s.), heyət üçün 
vacib olacaq məişət əşyaları və ərzaqdır (yemək, 
su, çay, xüsusi geyimlər, ilk tibbi yardım dəsti, yuxu 
yastıqları, çətirlər və s.). 
ə. Ehtiyat və təhlükəsizlik
İnsan kütlələrinin çox olduğu və və onların diqqətinin 
görməyə gəldikləri tamaşaya yönəldiyi yerlərdə 
yayımçılar iştirakçıları əmin etməlidirlər ki, onların 
apardığı əməliyyatlar heç bir təhlükə yaratmır. 
Radionun avadanlığı, texniki vasitələr, maşınlar və 
kabellər ara yolları və yanğın çıxışlarının qarşısını 
almamalıdır. Məkanda işləyən hər kəs yanğın zamanı 
davranış qaydalarını və yanğın zamanı toplanma 
məntəqələrini bilməlidir. 
Açıq havada keçirilən tədbirlərdə, məsələn, parad 
və ya idman yarışları zamanı, yağışın qarşısını almaq 
üçün hansı alternativ variantların olduğunu bilmək 
lazımdır. Canlı yayım zamanı, xüsusilə musiqinin 
ifa olunması ilə bağlı problemlər çıxır, çünki musiqi 
məşq tələb edir və canlı yayımda bu, mümkün olmur. 
Uzun müddətli təcrübəyə malik olan mühəndislər bu 
problemi aradan qaldıra bilir. 
q. Əsas studiya ilə əlaqə
Studiyadankənar canlı yayım zamanı əsas studiya 
həmin yayımın ssenarisindən və alternativ 
variantlardan xəbərdar olmalıdır. Ona görə də 
əsas studiyada yayımın ümumi ssenarisi, ardıcıllıq 
və qaydaların bir nüsxəsi olmalıdır ki, qarşıya çıxa 
biləcək texniki nasazlıqlar zamanı lazım olan xüsusi 
materiallar və digər təlimatlar haqqında müzakirələr 
aparmaq mümkün olsun.