Раҳбар мулоҳазаси

МУҲАММАД АЛ-ХОРАЗМИЙ НОМИДАГИ
ТОШКЕНТ АХБОРОТ ТЕХНОЛОГИЯЛАРИ УНИВЕРСИТЕТИ
Телевизион технологиялар факультети талабаси Тухлиев Отабек Нормахмат ўғлининг “Лангар ота меъморий мажмуасининг уч ўлчовли моделини яратиш” мавзусидаги
битирув ишига
РАҲБАР МУЛОҲАЗАСИ

Битирувчи Тухлиев Отабек томонидан илгари сурилган масала жамиятни ахборотлаштириш билан боғлиқ бўлган энг муҳим масалалар тоифасига киради. Бугунги кунда ахборот технологияларининг муҳим йўналишларидан бири ҳисобланган компьютер графикаси фан ва ишлаб чиқаришда ўз ўрнига эга бўлиб, қўлланилиш соҳаси тобора кенгайиб бормоқда. Хусусан, Қашқадарё вилояти Қамаши туманидаги “Лангар ота” тарихий объектини визуаллаштириш ва бу ишни амалга оширишда замонавий график дастурий воситалардан фойдаланиш мақсад этиб белгиланган. Шу нуқта назардан битирувчи “Лангар ота” тарихий объекти ҳақида маълумотлар тўплаган ва уларга асосланиб 3D Studio Мах дастури уч ўлчовли моделини яратган, объектларни бир-бирига нисбатан мос равишда жойлаштириб чиқган. Ушбу объектларни Lumion дастурига импорт қилиб олган ва уларнинг ҳар бирига ранг ва текстура берган, яратилган визуал саҳнага дастурнинг одам, дарахт, гуллар ва бошқа элементларидан иборат махсус объектлари ва камерани ўрнатган ва уни объектлар атрофида ҳаракатлантирган.

Битирув иши кириш, учта боб, хулоса ва фойдаланилган адабиётлар рўйхати иборат.
Кириш қисмида битирув ишининг мақсади, асосий қилиниши керак бўлган вазифалар, ишнинг ҳажми ва тузилиши ҳақида маълумот берилган. Шунингдек, битирув ишининг боблари бўйича қисқача маълумот берилган.
Биринчи боб “Кўҳна тарихий ёдгорликлар ва уни тарғиб этишда ахборот технологияларининг ўрни” деб номланган бўлиб, унда Ўзбекистоннинг тарихий обидалари ва Лангар ота мажмуаси, Ўзбекистонда туризмни ривожлантиришнинг истиқболлари, обектларни моделлаштириш ва ҳаракатлантириш ҳақида маълумотлар келтирилган.
Иккинчи боб “Лангар ота мажмуасининг 3D моделини яратиш ва аниматсия бериш босқичлари” деб номланган бўлиб, унда 3D Studio Max дастурида Лангар ота мажмуаси моделини яратиш, обектларга ранг ва текстура бериш, Lumion дастурида анимацион видео маҳсулот тайёрлаш босқичлари тўғрисида ёзилган.
Учинчи боб эса ҳаёт фаолияти хавфсизлигига бағишланган.
Хулоса қисмида эса БИни бажариш давомида бажарилган ишлар ва натижалар келтириб ўтилган.
Хулоса қилиб айтганда битирув иши талаб даражасида ёзилган. Ишда кузатилган камчиликлар сифатида баъзи имловий хатоларни келтириш мумкин.
Талаба Тухлиев Отабек Нормахмат ўғлининг битирув иши бакалавриатнинг 5350200 - “Телевизион технологиялар (Аудиовизуал технологиялар)” таълим йўналиши бўйича қўйилган барча талабларга жавоб беради ва ишни ҳимояга тавсия этиш мумкин деб ҳисоблайман.

“Аудиовизуал технологиялар” кафедраси

катта ўқитувчиси Тўраев Б.