Рақамли илмий кенгаш андижон машинасозлик институти мухтаров махмуджон марифович

Тадқиқотнинг вазифалари қуйидагилардан иборат:

• 
  саноат корхоналари иқтисодий самарадорлигининг илмий-назарий жиҳатлари бўйича маҳаллий ва хорижий олимлар қарашларини тизимлаштириш;
  
• 
  Андижон вилояти саноат корхоналари, хусусан тўқимачилик саноати корхоналарида иқтисодий самарадорликка таъсир этувчи омиллар ва уларнинг ўзига хос хусусиятларини очиб бериш;
  
• 
  иқтисодий самарадорликни ифодаловчи кўрсаткичлар тизимини таснифлаш ҳамда мос баҳолаш усулларини ишлаб чиқиш;
  
• 
  Андижон вилояти тўқимачилик саноати корхоналари ривожланиш хусусиятларини очиб бериш ва ишлаб чиқариш самарадорлигини ошириш имкониятларини таҳлил қилиш;
  
• 
  саноат корхоналари иқтисодий самарадорлигига таъсир этувчи омилларни баҳолаш;
  
• 
  тўқимачилик саноати корхоналари иқтисодий самарадорлигини кластерли ёндашув ва рақамли технологиялар асосида ошириш бўйича твсиялар ишлаб чиқиш ҳамда ривожланиш истиқболларини баҳолаш.
  

Тадқиқотнинг объекти Андижон вилоятидаги тўқимачилик саноати корхоналари ҳисобланади.
Тадқиқотнинг предметини саноат корхоналари иқтисодий самарадорлигини ошириш билан боғлиқ ижтимоий-иқтисодий муносабатлар ташкил этади.
Тадқиқотнинг усуллари. Тадқиқот жараёнида қиёсий таҳлил, эмпирик баҳолаш, омилли таҳлил, танланма кузатиш, иқтисодий-математик моделлаштириш каби усуллардан фойдаланилган.
Тадқиқотнинг илмий янгилиги қуйидагилардан иборат:
тўқимачилик корхоналарининг интенсив ривожланиши асосида унинг рентабеллигини ошириш, ишлаб чиқариш вақтини қисқариш, замонавий ишлаб чиқариш шароитларини яхшилашни тавсифловчи индикаторлар тизими тавсия қилинган;
тўқимачилик корхоналарининг иқтисодий самарадорлигини оширишга йўналтирилган диверсификациялаш самарадорлигини аниқловчи услубиёти таклиф этилган;
кластерлар фаолияти концентрациялашувининг критик нуқтасини аниқлаш асосида корхоналар фаолиятини тартибга солиш, занжирли ишлаб чиқариш жараёни узлуксизлигини таъминлаш ва ортиқча ишлаб чиқариш харажатларини қисқартириш имкониятлари асосланган;
Андижон вилояти тўқимачилик саноати корхоналари иқтисодий самарадорлигини оширишга таъсир этувчи омилларни баҳолаш асосида маҳсулот истеъмолини 2026 йилгача прогноз параметрлари ишлаб чиқилган.