Рақамли илмий кенгаш андижон машинасозлик институти мухтаров махмуджон марифович

Тадқиқотнинг республика фан ва технологиялари ривожланиши-нинг устувор йўналишларига мослиги. Мазкур диссертация иши республика фан ва технологиялари ривожланишининг I. «Демократик ва ҳуқуқий жамиятни маънавий-аҳлоқий ҳамда маданий ривожлантириш, инновацион иқтисодиётни шакллантириш» устувор йўналишига мувофиқ бажарилган.
Муаммонинг ўрганилганлик даражаси. Саноати корхоналарида иқтисодий самарадорликни ошириш масалалари К.Динг, Майкл Джорж, М.Зенг, Р.С.Каплан, Н.Мэнкью, Д.П. Нортон, П.Оианг ва Г.Стиглер⁴ сингари хорижлик олимларнинг илмий ишларида чуқур тадқиқ этилган.
МДҲ иқтисодчи олимларидан И.А.Бородин, А.Волкова, С.М.Воронова, А.С.Горшоков, И.В.Горсонская, И.А.Гунина, Ю.П.Лютова, Б.А.Райзберг, Т.Д.Синявец⁵ ва бошқалар томонидан ҳам ўрганилган.
Ўзбекистонда А.Авазов, М.Бўтабоев, Ш.Н.Зайнутдинов, З.М.Ирматова, М.Исақов, А.М.Кадиров, Д.К. Кудайназарова, М.Маҳмудов, Р.И.Нуримбетов, Д.Рўзиева, Н.И Рустамов, О.Турсунов ва З.Шохўжаева⁶лар каби иқтисодчи олимлар саноат корхоналарини иқтисодий самарадорлигини ошириш масалалари юзасидан илмий ишлар олиб борилган.
Юқорида қайд этилган илмий тадқиқот ишларида саноат корхоналарининг иқтисодий самарадорлиги ресурс сарфи, ишлаб чиқариш воситаларидан фойдаланиш даражаси, меҳнат омили асосида ўрганилган бўлсада, бироқ тўқимачилик корхоналарида иқтисодий самарадорликни оширишга маҳсулотлар диверсификацияси ва истеъмоли таъсири етарлича ўрганиб чиқилмаган. Бу эса иқтисодий самарадорликни тўқимачилик саноатида ўрганиш маҳсулотлар истеъмоли хусусиятларидан келиб чиқиб ошириш билан боғлиқ масалалар мавзусини танлаш учун асос бўлган.
Тадқиқотнинг диссертация бажарилган олий таълим муассасасининг илмий-тадқиқот ишлари режалари билан боғлиқлиги. Диссертация иши Андижон машинасозлик институтининг “Андижон вилоятини ижтимоий-иқтисодий ривожлантириш масалалари” мавзусидаги илмий-тадқиқот иши режаси доирасида бажарилган.
Тадқиқотнинг мақсади саноат корхоналари иқтисодий самарадорлиги-ни ошириш бўйича таклиф ва тавсиялар ишлаб чиқишдан иборат.