R. S. Qosimov (rais), X. Sultonov, Q. Nazarov, M

Talabalarga tayyorgarlik uchun yordamchi materiallar:

1. 
   ShAXS MA’NAVIY TARBIYaSINING TAKOMIL BOSQIChLARI (yoki ma’rifat yo’llari):
   

Ibrat,

Ilm,

Riyozat,

Mehr

2. 
   HAQIQAT NIMA?
   

Haqiqat - cheksiz. Qur’oni karimning “Baqara” surasidagi “Oyat al-kursi” nomi bilan mashhur bo’lgan 255-oyat nihoyatda el ichida mo’’tabar tutiladi. Sababi, unda Alloh haqiqatiga juda ixcham, ammo mukammal ishora mavjuddir. “Alloh - undan o’zga iloh yo’qdir” deb boshlanuvchi ushbu oyatning faqat ikki jumlasini eslaylik: “Osmonlar va Erdagi (barcha) narsalar Unikidir”..., “Uning kursiysi Osmonlar va Erdan (ham) kenglik qilur”, deb o’giradi ularni muhtaram tarjimon.
Milliy ma’naviyatimizda Borliq haqiqati Tavhid e’tiqodida ifodalanadi. Barcha buyuk ajdodlarimiz ana shu ulug’ Haqiqatni tushunish uchun intilib yashaganlar va har kim o’z holi darajasida uni tavsif va talqin etishga uringan. Nazarimizda, Alisher Navoiyning “Lison ut- tayr” dostonida ushbu talqin eng mukammal suratda ifoda etilgan. Biz undan bir rivoyatning nasriy bayonini keltirish bilan cheklanamiz. Shoir “Ma’rifat vodiysi” ta’rifini bergach, uni izohlash uchun Sanoiydan bir rivoyat keltiradi:
“Eshit, bunga ushbu mojaro juda munosib misol bo’la oladi. Naql qilishlaricha, bir guruh ko’rlar to’dasi bir sabab bilan: musofirlik yoki asirlik tufayli Hindistonga borib qolishibdi. So’ngra falakning gardishi bilan ular o’z yurtiga qaytib kelishibdi. Bu erda ulardan bir kishi : “Filni ko’rdilaringizmi?” - deb so’rabdi. Ular: “Ha”, - deb javob beribdilar. “Ko’rgan bo’lsangiz, dalil keltiring”, - debdi boyagi kishi.