R. H. Davlatova, K. Abdurahmonova “O`zbek tili” fanidan amaliy mashg`ulot uchun ishlanmalar navoiy-2020

Учинчи босқич — қонунни қабул қилиш. Қонунчилик жараёнининг яна бир муҳим босқичи — қонун лойиҳасини тасдиқлаш, қонунни қабул қилиш босқичидир. Бу босқичнинг аҳамияти ва масъулияти шундаки, бунда қонун лойиҳасига расмий юридик куч бахш этилади ва у қонунга айланади. Ўзбекистон Республикасининг қонунлари икки йул билан қабул қилинади:








Биринчиси — қонуннинг Ўзбекистон Республикаси Олий Мажлисининг Қонунчилик палатаси томонидан қабул қилиниши ва Сенат томонидан маъқулланиши;


Иккинчиси — қонуннинг умумхалқ овоз бериши (референдум) йўли билан қабул қилиниши.


Topshiriq. Oilangizda burchlar qanday taqsimlangan? Jadvalni to ‘ldiring.

Oiladagi burchlarim

Onamning uy ishlari va tashvishlari

Otamning burchlari

Oiladagi boshqa a'zolarning burchlari

Birgalikdagi ishlarimiz

Bilib oling:

Rasmiy-idoraviy nutq uslubi jamiyatdagi ijtimoiy, huquqiy munosabatlar, davlat va davlatlararo rasmiy, siyosiy-iqtisodiy, madaniy aloqalar uchun xizmat qiluvchi uslubdir. Bu uslub hujjatchilik xarakteri bilan ajralib turadi. Shunga ko‘ra, yozma nutqning xizmatga doir bu turi davlat qonunlari, aktlar, farmonlar, bayonotlar, shartnomalar, idora hujjatlari, e'lonlar va boshqa rasmiy yozishmalar uslubi hisoblanadi. Rasmiy uslub tilining asosiy xususiyati aniqlik va ixchamlikdir, unda muayyan nutqiy qoliplar, kasb-hunar so‘zlari, atamalar, tayyor sintaktik qurilmalar keng qo‘llanib, nutqning aniq va ravshan ifodalanishini ta'minlaydi. Tayyor nutq qurilmalari (shu asosda; shunga ko‘ra; ma'lum qilamizki; ...ni e'tiborga olib; ...ga ko‘ra; ...biz, quyida imzo chekuvchilar, ...ga asosan (muvofiq); ...uchun, ...dan kelib chiqib; ...sharti bilan; ...berilsin, ...taqdirlansin kabi) hujjat matnining darak-hikoya xarakterida bo‘lishini, so‘zlarning bir ma'noda ishlatilishini, badiiy-tasviriy vositalarning bo‘lmasligini, fe'lning majhullik va buyruq-istak formalarining, qo‘shma gap turlarining keng qo‘llanishini talab qiladi. Til materiali hujjatning turi va xarakteriga qarab tanlanadi.

Mavzu bo‘yicha savollar:

1. 
   Talabaning burch va mas’uliyatiga nimalar kiradi?
   
2. 
   Rasmiy-idoraviy uslub haqida ma’lumot bering?
   

Adabiyot:

1. 
   Karimov I.А. Yuksak ma’naviyat – yеngilmas kuch. - Tоshkеnt: Mа’nаviyat, 2008. - 176
   
2. 
   Normatova Sh, Abdurahmonova M. Оzbek tili (darslik). - Toshkent: JI DU 2014,- 192 b.
   

Mustaqil ish topshiriqlari:

1. 
   “Konstitutsiya – bosh qomusimiz” mavzusida insho yozish.