R. G. Isyanov Nizomiy nomidagi tdpu professori

Issiqlik texnikasi.
I. Kirish

Issiqlik texnikasi fani issiqlik mashinalari, apparatlari va qurilmalari yordamida issiqliq hosil qilish, uni boshqa turdagi energiyaga aylantirib berish, taqsimlash, uzatish, usullarini nazariy va amaliy jihatdan o’rgatuvchi fandir.

1.1. Fanning maqsadi va vazifalari.

Fanni o’qitishdan maqsad – bo’lajak mehnat ta`limi o’qituvchilarida issiqlik mashinalari qurilma va uskunalari qo’llaniladigan texnikaning hamma tarmoqlarida va ularni ish jarayonlarida issiqlik texnikasi qonun-qoidalariga rioya qilish va ularga mos turli masalalarning echimlariga oid bilim, ko’nikma va malaka shakillantirishdir.

Fanning vazifasi – mashina va mexanizmlar detallari harakati vaqtida ularning sirpanish nuqtalari orasida sodir bo’ladigan ishqalanish natijasida paydo bo’luvchi issiqlik, issiqlikni hisoblashda, ichki yonuv dvigatellarida yonish jarayonini to’g`ri rostlash, ulardagi ortiqcha issiqlikni tashqariga chiqarish, materiallar mustahkamligini va elektr qarshiligini temperaturaga bog`liqligini, elektr va magnit maydonlari qiymatlarining po’lat o’zak temperaturasiga bog`liqligini o’rganish va shu bilan bir qatorda nazariyani tajribada sinash, tajriba natijalarini esa umumlashtirish xaqida talabalarga bilim berishdir.