R e j a: Tabiat va jamiyatning o’zaro munosabatlari Kishilik jamiyatining dastlabki bosqichlarida tabiat bilan jamiyat o’rtasidagi o’zaro munosabatlar Fan va

X U L O S A
Jamiyat bilan tabiat o’rtasidagi o’zaro ta’sir vaqt va makonda turlicha bo’lib kelgan. Ushbu ta’sirning joylardagi ko’lami har xil bo’lganligi tufayli tabiatda ma’lum darajada o’zgarishlar sodir bo’lgan. Mazkur o’zgarishlarni diqqat bilan tadqiq qilish natijasida tabiat bilan jamiyat o’rtasida yuz berib kelgan o’zaro ta’sirning qanchalik maqsadga muvofiq yoki inson ta’siri ko’p – kam bo’ganligini bilish mumkin. Inson faoliyati maqsadga to’g’ri yo’naltirilgan joyda tabiatdan oqilona foydalanilgan, natijada, o’lka, shahar va qishloqlar yashnagan, aksincha bo’lgan holda esa quruq cho’l, eroziya tufayli chuqur, tashlandiq yerlar tarkib topgan.

Hozirgi paytda tabiat va jamiyat o’rtasidagi o’zaro ta’sirning keng ko’lamlarda bo’lishi global muammolardan biri bo’lgan ekologik muammoni vujudga keltirdi. Ekologik muammo atrof tabiiy muhit sifatining hamda insonning turmush tarzining sanoatlashuvi va urbanizatsiyalashuvi tufayli yomonlashuvi, an’anaviy energetika va xom ashyo resurslarining qashshoqlashuvi, insonning tabiatga ta’sirining uzluksiz oshib borishi, tabiiy ekologik balanslarning ortib borayotganligi, tabiatni inson xo’jalik faoliyatining chiqindilari bilan ifloslanishining salbiy ginetik oqibatlari bilan bog’liq.