Р 38 р 38 О. Д. Раҳимов, И. Х. Сиддиқов, М. О. Муродов. Ҳаёт фа

Давлат энергетика назорати
электр ва иссиқлик ѐрдамида 
ишловчи ускуна ва қурилмаларидан фойдаланиш ишларини 
бехатар олиб борилишини назорат қилади.
Давлат 
назорат 
органларидан 
ташқари 
касаба 
уюшмаларининг техник инспекторлари ҳам назорат ишларини 
олиб боради. Меҳнат бўйича техник инспекторлар ишлаб 
чиқаришда рўй берган ҳалокат ва бахтсиз ҳодисаларни 
текширади ва суд-тергов ишлари учун хулоса ѐзиб беради, 
шунингдек, бахтсиз ҳодисаларни ҳисобга олиб боради. Бундан 
ташқари, улар меҳнат муҳофазаси бўйича иш шароитларини 
яхшилаш борасида тузилган битим ва жамоа шартномаларининг 
бажарилишини ҳам назорат қилади. 

---

85 
Касаба уюшмалари томонидан меҳнат муҳофазаси ҳолатини 
назорат қилиб бориш учун жамоатчи инспеторлар ҳам сайланади. 
Ушбу жамоатчи инспекторларга махсус гувоҳнома берилади ва 
касаба уюшмаларининг умумий йиғилишларида уларнинг 
ҳисоботлари тингланади. Меҳнат муҳофазаси бўйича вакилга ўз 
вазифаларини бажариш учун ҳафтада иш пайтида камида икки 
соат вақт берилади ва ўртача иш ҳақи миқдорида ҳақ тўланади. 
3.1.15. Меҳнат қонунларини бузганлик учун жавобгарлик
Меҳнатни муҳофаза қилиш тўғрисидаги қонунлар ва бошқа 
меъѐрий ҳужжатларни бузганлик учун жавобгарликка тортиш 
Ўзбекистон Республикасининг меҳнатни муҳофаза қилиш 
тўғрисидаги қонунининг V бўлим 25, 26, 27, 28, 29-моддаларида 
кўрсатилган тартибда амалга оширилади. 
Меҳнатни муҳофаза қилишга оид қонунлар ва бошқа меъѐрий 
ҳужжатларни бузилишида айбдор бўлган ѐки давлат ва 
жамоатчилик назорати идоралари вакилларининг фаолиятига 
монелик қилаѐтган мансабдор шахслар Ўзбекистон Республикаси 
қонунларида белгиланган тартибда интизомий, маъмурий ѐки 
жиноий жавобгарликка тортиладилар. 
Корхоналарнинг бошқа ходимлари меҳнатни муҳофаза 
қилишга доир меъѐрий ҳужжатларнинг талабларини бузганлик 
учун белгиланган тартибда жавобгарликка тортиладилар. 
Интизомий жавобгарлик меҳнат муҳофазаси талаблари 
бузилиши оқибатида оғир оқибатларга олиб келувчи бахтсиз 
ҳодисалар содир бўлган ҳолларда қўлланилади. Интизомий жазо 
масъул шахсларга ҳайфсан бериш ѐки уларни ўз лавозимларидан 
озод қилиш орқали амалга оширилади. Маъмурий жавобгарликда 
эса жавобгар шахслардан жарима ундириб олинади. Агар улар 
ушбу жавобгарликдан норози бўлишса 10 кун ичида судга 
мурожаат қилишлари мумкин.